Секоја година имаме нов дом, па така и многу често си запознаваме и нови пријатели. Најпрвин во Шведска, а потоа и во Мароко се збогатив со 2 пријателки со коишто сме постојано во контакт. Некако кога седнавме уште од првиот пат, како да се знаевме отсекогаш, а и двете сакаа да готват, па така често си готвевме едни на други.
Една вечер во Мароко имав многу зеленчук и варен компир од ручек, па спремив фритата или пита од јајца. И се собравме сите кај нас. Дружба, добра храна и секако на крај чоколадна торта. Секако, наскоро ќе добиете рецепт,прво пробајте го овој.
