Ламбе се врати дома по пет години во Америка: Научив повеќе да ценам што е татковина и дом
По пет години откако живее во САД, поп-пејачот Ламбе Алабаковски е повторно дома, во Битола, на летен одмор. Неговата сопруга Магдалена е битолчанка, па заедно го користат секој слободен миг да се видат со најблиските.
Во моментов, Ламбе и Магдалена заедно со синовите Михаил и Димитриј се на одмор во Грција и Ламбе често објавува фотографии од синовите како уживаат на плажа.
Кога пристигна во Македонија, тој објави фотографија од зајдисонце во неговото родно село, преспанското Љубојно, со поглед кон Галичица.
-Преку гордоста креираме замислен свет и пробуваме да живееме во истиот, а преку смирението го прифаќаме светот онаков каков што Бог го создал. Старец Софрониј Сахаров“, напиша Ламбе до оваа фотографија.
Откако е дома, тој е многу среќен и вели дека чувството што е повторно со најблиските не може да го опише со зборови.
-Дома чувството е неописливо со зборови. Благодатно, исполнето, душата на место и секако носталгијата е побиена, ја снема! Среќни сме сите многу , кога си отсутен повеќе време учиш сè повеќе да цениш што е татковина и дом“, ни изјави вели Ламбе од Грција.
На крајот на минатата година, тој даде ексклузивно интервју за Женски магазин.
-Многумина ме прашуваат за музиката и мојата кариера, ќе кажам само дека сето тоа е ставено во мирување но не е сосема напуштено, ние сме фамилјарно и сега опкружени со песна! Веќе петта година сме со мојата сопруга Магдалена во САД, тука живееме. Да поправам некои дезинформации дека не живееме во Флорида, ние сме во Детроит. Мои добри пријатели живеат во Флорида па ние често сме таму како и на топлите краишта од овој континент и претпоставувам дека сте помислиле живееме таму по објавените фотографии. Работам како транспорт оператор со своја мала фирма, а сопругата е прво добра и грижлива мајка а во слободно време се занимава со нејзината професија како медицински кодер на софтвер. Многу ми помогнаа нејзините на самиот почеток тука да се навикнам на промените.
Можам слободно да кажам едно дека можеби сум овде физички присутен но срцето и душата ми се во Македонија!“, ни рече тогаш Ламбе.
Постариот син Михаил во ноември ќе наполни седум години, а Димитриј во април наполни една година.
-Михаил сака разни игри поврзани со адреналин, по природа и е доста активно дете, музикален е, но срамежлив засега, посетуваше неколку Христијански градинки и кампови (бидејќи тука во скоро сите цркви има школо од најмала возраст, некои и до осмо одделение.) Димитриј е многу радосно бебе, исто така овие денови сè помалку се спие и одмaра особено сега кога има први запчиња“, рече Ламбе за своите синови.
За сопругата Магдалена, Ламбе изјави дека ја сака сè повеќе секој ден, и рече дека бракот е нешто што се гради и се негува со многу трпение и љубов.
М.Џаровска
Фото: Приватна арихива
Можеби ќе ве интересира
