„Ја прочитав оваа порака во телефонот на мојата 11-годишна ќерка и се шокирав“: Загрижен татко алармира за однесувањето на основците

Со зголемената употреба на телефони кај младите, многу родители се прашуваат како да го ограничат времето што нивните деца го поминуваат на мобилни телефони или воопшто пред екраните, притоа давајќи им чувство на независност или наметнувајќи престрога контрола. Сите сме запознаени со опасностите од интернетот и имајќи го тоа на ум, родителите често додаваат ограничувања на одредени апликации за да се уверат дека содржината што ја користат нивните деца е соодветна. За жал, она што никој не може да го контролира е дали децата и тинејџерите се во контакт со своите соученици и како тие разменуваат пораки.

Така, еден загрижен татко се шокирал кога сфатил дека неговата 11-годишна ќерка и нејзините пријатели го коментираат фактот дека некој од класот им испратил СМС во кој барал фотографии од нив на кои се голи. Таткото го сподели своето искуство на Редит, додавајќи дека сериозно разговарал со својата ќерка за спорната ситуација.

„Имам 11-годишна ќерка и она што го гледам секој ден е дека сите овие деца се обидуваат да глумат многу постари отколку што навистина се. Јас сум нејзин очув веќе седум години, но таа ми е како ќерка, таа ми е сè“, започна тој.

„Вечерва ја однесов неа и нејзините две другарки на вечера и дознав нешто ужасно. Пријателките на ќерка ми мислеа дека се таинствени и се обидоа да зборуваат на „шифриран“ јазик за пораката што една од нив ја добила од соученик во која ѝ рекол дека бара фотки од неа на кои таа е гола. Веднаш ја завршив вечерата и ги донесов дома, имав многу строг разговор со ќерка ми за тоа што се случи.

„Планирам да разговарам со сите родители за тоа што го дознав, но не сакам да ја изгубам довербата на моето дете ако има некои поголеми последици. Дали имате совет до каде да одам со ова“, прашува очајниот татко.

„Родителите треба да ги учат своите деца што е безбедност на Интернет“

Други родители му сугерирале дека долгорочните придобивки од отворањето на оваа проблематична тема ги надминуваат лошите, краткорочни последици. „Мислам дека е многу подобро долгорочно да го извадиш на отворено проблемот. За твојата ќерка да погледне назад на тоа и да помисли: „Татко ми доволно се грижеше да го спречи тоа“, наместо „Татко ми беше премногу незаинтересиран дури и не забележа дека нешто лошо се случува“, напиша еден корисник на Редит.

„Јасно кажете ѝ на вашата ќерка дека нема да биде во неволја ако дојде кај вас да побара помош, ако можеби направила грешка и споделила несоодветни работи на интернет. Строгите родители прават злобни деца. Ова е време да поставите граници и да се едуцирате , а не со казнување и доминација“, го советувал друг.

Еден од помладите корисници на Редит истакна дека би сакал неговите родители да разговараат со него за безбедноста на интернет додека тој бил во средно училиште, особено кога станува збор за разголени фотографии и сексуални содржини зад вистински луѓе.

„Навистина. Јас бев во средно училиште во време кога социјалните мрежи почнаа да се зголемуваат и ќе беше навистина убаво некој да разговараше со мене за тоа. Не можам да ги обвинувам моите родители, мислам дека бев дете и тие веројатно немаа поим за половина од нештата што постоеја затоа што беа толку нови, но сепак…“, додаде друг корисник.