Ова не го правете никогаш на пеколни горештини затоа што може да ве убие: Лекар со детални упатства како да се однесувате на жештините

Лекарите предупредуваат дека за време на високите темепратури и висок УВ индекс треба да се воздржете од тешки физички активности бидејќи може да добиете сончаница, топлотен, па дури и срцев удар.

Деновиве температурите се навистина високи и со високи УВ индекси, затоа лекарите предупредуваат дека ваквите пеколни температури имаат негативно влијание врз здравјето на децата, постарите лица и хроничните пациенти, но загрозени се и сите оние кои се занимаваат со тешки физички активности надвор, вклучително и оние кои трчаат или работат во градината, бидејќи може да добијат сончаница на оваа топлина.

- Во најтоплиот дел од денот не излегувајте од дома освен ако е апсолутно неопходно, а доколку сте принудени носете заштитна облека, шапка, и на отворените делови од телото нанесете креми со заштитен фактор.

Што не смеете да правите на горештините:

1. Не изложувајте се на сонце од 10 до 17 часот

- Од силното сонце може да добиете изгореници и рак на кожата. Ако навистина треба да излезете на сонце, заштитете го лицето и главата со шапка, носете светла облека од природни материјали. Секогаш користете крема за сончање со висок фактор што штити од УВА и УВБ зрачење и секогаш носете шише вода со себе за да избегнете дехидрација.

2. Избегнувајте тешка физичка работа

- Трчањето, миењето теписи, завесите, работата во градината, кревањето тешки работи и други напорни физички активности може да го прегреат телото.

3. Не пијте енергетски пијалоци, алкохол и многу кафе

- Ваквите пијалоци содржат иритант кој влијае на нервниот систем и му штети на организмот

4. Не се прејадувајте

- Масната, тешка и зачинета храна како печење, сланина, пити и слично дополнително ја зголемуваат телесната температура

5. Не влегувајте во водата одеднаш

- Кога телото е прегреано, ненадејното влегување во ладна вода е шок за телото, што може да доведе до срцев удар

6. Не претерувајте со клима уредот

- Не приспособувајте ги уредите за ладење така што во куќата е зима, а надвор африканско лето. Треба да се прилагоди на седум или осум степени на разлика во однос на надворешната средина; не оставајте го клима уредот вклучен во текот на ноќта во спалната соба

7. Не влегувајте во неизладен автомобил

- Пред да влезете во автомобил кој долго време е на сонце, добро изладете го за да избегнете топлотен удар.

8. Не ја прескокнувајте терапијата

- Хроничните пациенти мора редовно да земаат терапија и да се пријават кај надлежен лекар за каква било промена на нивната здравствена состојба

Се советува рехидратација, т.е. зголемен внес на течности за да се спречи дехидрација поради зголемено потење и губење на електролити. За да се прилагодиме на високите температури неопходна е лесна исхрана базирана на овошје и зеленчук, со помали и почести оброци - вели кардиологот д-р Слаѓана Божовиќ Огаревиќ и додава дека тешките физички активности како трчање, работа во градина и баштата да се избегуваат на жештините.

- Симптомите како што се грчеви, исцрпеност, сончаница и топлотен удар може да се појават при зголемен физички напор за време на летните горештини. Затоа не се препорачуваат напорни физички активности на топло време. Ова особено не е дозволено за хронични пациенти поради можното влошување на примарната срцева болест. А кај пациенти со болести на крвните садови на срцето може да дојде до срцев удар при поголем физички напор - предупреди д-р Божовиќ Огаревиќ.

Д-р Радмила Шехиќ, долгогодишен лекар за итни случаи, сега пензионирана, потврдува дека за време на топлотни бранови, луѓето кои не ги следат советите на лекарот најчесто добиваат сончаница, топлотен удар или дехидрираат.

Топлотен удар и прва помош

Симптомите се чувство на непријатност, забрзано чукање на срцето, конфузија, слабост, губење на свеста

1.Преместете го лицето на сенка
2.Раскомотете го и легнете го
3.Нанесете ладни облоги околу вратот, на внатрешната страна на рацете и нозете
4.Кога лицето ќе се освести, дајте му малку течности, полека да го рехидрирате

Закрепнувањето трае подолго, а секој што доживеал топлотен удар мора да оди на лекар

- Симптоми на топлотен удар се чувство на непријатност, забрзано чукање на срцето, збунетост, слабост. Луѓето кои страдаат од топлотен удар биле изложени на сонце подолго време, на пример на автобуски станици, најчесто на места со гужва - објаснува д-р Шехиќ и додава дека сончевиот удар настанува кога вашата глава е директно изложена на силна сончева светлина и најчесто се случува кај луѓе кои не носат шапка, марама на глава или каква било форма на заштита.

Сунчаница и прва помош

Симптомите се силна главоболка, повраќање, вртоглавица, губење на видната острина, слабост

1. Помогнете му на лицето да се смести под сенка

2. Нежно изладете ги рацете, вратот, намокрете ја косата

3. Лицето нека пие течности полека

4. Решете ја главоболката со лекови против болки

Заради опоравување, избегнувајте сонце, одморете се, поминувајте време во разладени простории. Изгорениците од сонце поминуваат без последици, но доколку главоболката и мачнините не се смират подолго време, неопходно е да се посети лекар за дополнително испитување, заклучува лекарката.

Фото: Unsplash

Извор: курир.рс