Бев преслатко девојче, а потоа на 11 години мајка ми ми рече: „Ќе ти откријам тајна за тебе која не смееш никому да ја кажеш“ и животот ми се распадна за миг
Американката Алиса Бол, односно Лис, пред неколку месеци по 15 години живот со тајна која на некој начин ја дефинираше, реши јавно да ја открие и да си даде слобода да се покаже на најкомплетниот, најавтентичен начин
Имено, таа на „TikTok“ ја сподели својата необична животна приказна - таа е една од ретките личности која е родена како „хермафродит“, што е лаички термин за луѓе кои припаѓаат на интерсексуалниот спектар. Таа денес има 27 години, а вистината за нејзината состојба ја дознала на прагот на тинејџерските години, односно кога имала 11 години.
„Пораснав како преслатка девојка, секогаш носев розова боја, но се сеќавам дека секогаш се чувствував отфрлено и непријатно на училиште и никогаш не се дружев со никого. Секогаш се чувствував погрешно разбрана“, изјави Лис неодамна за медиумите, откривајќи дека дури во петто одделение дознала зошто се чувствува така.
Имено, тогаш еден ден се вратила од училиште, каде дознала дека нејзината другарка добила менструација. Таа возбудено ја прашала мајка си кога ќе добие менструација.
„Кога имав 11 години, мајка ми ми рече да седнам и ми рече дека сум биолошки машко. Мајка ми рече: „Веројатно треба да разговараме“. Бев толку љубопитна, само сакав да знам кога ќе добијам циклус, кога градите ќе почнат да ми растат. Кога ќе ги ставам првите тампони“, ја започна својата исповед Лис.
Но, нејзината мајка набрзо ѝ ја кажала неочекуваната вистина - дека никогаш нема да помине низ пубертетот, барем не на начинот на кој таа очекувала.
„Седнавме на масата во трпезаријата, сѐ беше формално, со папка полна со медицински информации, а таа ми рече: „Ти си биолошки машко. Нема да добиеш менструација. Нема да имаш деца. Ти си интерсексуална““. Ми се чинеше како да почнаа да се топат тапетите на ѕидот, истовремено се потев и смрзнував, а целиот свет каков што го знаев целосно се распадна“, истакна убавата црнка.
„И мајка ми и лекарите ме советуваа да го чувам ова во тајност, за никој да не ме задева дека сум родена со тестиси во стомакот“, додаде таа.
Очекувано, презентацијата на Лис брзо стана вирална и предизвика бројни реакции – не само поддршка, туку и бројни прашања. Последователно, таа објасни дека од 11-годишна возраст е на терапија за замена на хормони, односно дека зема естроген бидејќи нејзиното тело само не произведува естроген.
„Земав естроген за да поминам низ „нормален“ пубертет. Многу интерсексуални луѓе мора да бидат на терапија за замена на хормони затоа што нивните тела не произведуваат хормони сами. А, хормоните сѐ уште се неопходни за работи како што се здравјето на мозокот и здравјето на срцето и сѐ друго“, објасни таа.
Интерсексуалноста, или меѓуплодноста е ретка состојба во која детето се раѓа со карактеристики и на машките и женските репродуктивни органи и/или гениталии, т.е. варијации на хромозоми и/или хормони така што тоа не припаѓа конкретно на едната или другата категорија.
Извор: zena.blic.rs
