Инспириран од креацијата на Диор од 1947-ма година: Комплетот на Меланија Трамп за враќањето во јавноста е нешто што мора да се види
![](/media/main/2024/07/20240719100942.jpg)
Сопругата на Доналд Трамп конечно и официјално му се придружи во претседателската кампања, а за таа прилика избра елегантен комплет кој сигурно ќе ви биде познат
Кампањата на поранешниот американски претседател и кандидат за претседател Доналд Трамп е во полн ек, а за време на неа немавме многу можности да ја видиме неговата сопруга Меланија.
Поранешната прва дама од сенка учествуваше во новата кампања на нејзиниот сопруг, а сега повторно е во центарот на вниманието и уште еднаш воодушеви со препознатливиот стил што го негува по влегувањето на Трамп во Белата куќа во 2016-та година.
Меланија Трамп се појави, имено, на републиканската национална конвенција за да го поддржи својот сопруг, а за оваа прилика избра комплет од француската модна куќа Диор.
Станува збор за дводелен комплет, горниот е блејзер со струк со дупли копчиња, додека долниот е елегантно миди здолниште.
Овој комплет, инаку, е модерна варијанта на познатиот комплет од 1947-ма година наречен Бар, чие здолниште беше пошироко и базирано на модата од дваесетите и триесетите.
Меланија веќе го носеше овој модел во 2017-та година, за време на официјалната посета на Франција, кога Доналд Трамп и таа се сретнаа со претседателот на земјата Емануел Макрон и неговата сопруга Брижит.
- Тоа не е ништо ново, го повторивме. Но, таа го сака тој комплет! Има прекрасна облека која може повторно да ја облече – изјави вчера стилистот на Меланија, Ерв Пјер.
Извор: glossy.rs
Фото: EPA IMAGES