Кето бајадери: Повкусни се од класичните, две коцки ќе ви бидат доволни за цел ден
![](/media/main/2022/01/20220126153224.jpg)
Многу се силни поради состојките кои ги содржат, па затоа не се препорачува претерувањето...
Состојки:
75 милилитри вода;
50 грама путер;
10 таблети вештачки засладувач или 3 лажици еритритол;
200 грама мелени ореви или лешници (може да комбинирате мелени или покрупно сецкани, но и да додадете малку мелени бадеми...);
30 грама црно чоколадо со најмалку 80 проценти какао.
Подготовка:
Измешајте ја водата и исецканиот путер и ставете ги на оган да зовријат. Додадете ги таблетите или засладувачот кој сте го одбрале. Нека вријат состојките уште една минута, па тргнете го садот од оган.
Додадете ја чоколадата и мешајте додека не се растопи, па потоа додадете ги мелените ореви или лешници и повторно измешајте.
Во мал калап ставете хартија за печење, истурете ја смесата, со лажица израмнете ја смесата, а потоа калапот ставете го фрижидер за смесата да се зацврсти, како вистинска бајадера.
Вкусот е одличен, бидејќи многу личи на бајадера, а нема бисквити, туку само јаткасти плодови и е многу силна. Нема потреба да се прави глазура, бидејќи количината и јачината на чоколадото во самиот колач е сосема доволна.