Tрауми кои траат цел живот: Манекенката Ивана Кораб сподели што доживеала на 18 години

Ивана Кораб ја поддржа актерката Даниела Штајнфелд и откри дека и таа самата била мета на сексуално вознемирување.

Откако актерката Даниела Штајнфелд изјави дека ја силувал Бранислав Лечиќ, многу славни личности ги споделија своите непријатни искуства за кои јавноста не знаеше ништо, а една од нив е и српската манекенка Ивана Кораб, која својата кариера ја изгради во Америка, а потоа се врати во Србија.

Манекенката истакна дека нападите се присутни во сите професии, не само во глумата, и откри дека доживеала непријатна ситуација на 18 години.

- Вакви ситуации има во сите професии, не само со актерите. Ние учиме повеќе за ваквите работи од јавната сфера, и тоа може е добар почеток, да разговараме и да зборуваме јавно, затоа што тогаш можеме да се бориме против тоа. Не само што се погодени жените, туку има и мажи кои биле малтретирани. Страшно е... имате млада надеж која верува во себе и вие (моќник или кој било друг) ѝ ги кршите крилјата. Ова се сериозни трауми што остануваат цел живот - рече Ивана.

Ивана открива дека за време на еден состанок доживеала непријатност кога некој маж ѝ ја ставил раката на бутот, а таа дрчно му возвратила.

- Доживеав и јас непријатна ситуација. Еднаш дојдов на состанок и еден човек ми ја стави раката на бутот, јас воопшто не бев фина во тој момент. Имав 17 или 18 години, но не дадов на себе. Бев смела, дрчна и експлозивна - рече Ивана Кораб за „ДеТоксик“.

Инаку Кораб е бремена и го очекува своето прво дете.