Утринско кафе со Розалиа Митрев: Најголема мотивација ми е љубовта кон и од моето семејство

Денот ми започнува со подготвување на децата за градинка, а потоа продолжувам со едно гооолемо кафе и читам по некоја позитивна мисла. 

Најголема мотивација ми е љубовта кон и од моето семејство.

Во мојата работа имам постојана комуникација со клиенти, размена на мислења – овде се создаваат многу пријателства и сето тоа ме мотивира и исполнува. 

Секој слободен момент го користам за моите деца, а најголеми активности се одвиваат после завршувањето на работните обврски, стигнуваме и до диско забава (се смее). 

Децата заспиваат околу 21:30 часот, а потоа со сопругот гледаме некое филмче и дискутираме за нештата што ни се случиле преку ден. 

Книги најчесто читам наутро или преку ден, сакам психолошки книги, а ако гледам филм претпочитам тој да биде мистерија.

* Розалиа Митрев - Мејк-ап артистка*