„Па, не го правев тоа денес“: Генијален потег на една мајка кој говори повеќе од илјада зборови

Фото и извор: Awesome Things
Извор: www.detinjarije.com

Втрча во спалната соба и таму ја затекна сопругата стуткана во кревет во пижами, читајќи роман. Таа го погледна, се насмевна и праша како му поминал денот. Збунето ја погледна и праша: „Што се случило овде денес?

Еден маж си дојде дома од работа и ги затекна сите три деца надвор, сè уште во пижами, како си играат во калта, со празни кутии со храна и пакувања расфрлани низ дворот. Вратата од автомобилот на жената беше отворена, како и влезната врата од куќата, а од кучето немаше ни трага.

Влегувајќи во куќата наиде на уште поголем хаос. Ламбата беше превртена, а тепихот беше турнат на едниот ѕид. Во дневната соба, на телевизорот гласно ечеше канал од цртан филм, а дневната соба беше исполнета со играчки и разни парчиња облека. Во кујната, чиниите беа наредени во мијалникот, појадокот беше истурен на шанкот, вратата од фрижидерот беше ширум отворена, храната за кучиња беше истурена на подот, скршеното стакло беше под масата, а мало купче песок беше расфрлено од вратата на дворот.

Брзо се искачи по скалите, газејќи по играчки и купишта облека, барајќи ја својата сопруга. Тој беше загрижен дека можеби е болна или дека нешто сериозно се случило. Виде тенок млаз вода што тече од под вратата на бањата. Кога ѕирна внатре, виде влажни крпи, валкан сапун и уште играчки расфрлани на подот. Метри тоалетна хартија на куп, а по огледалото и ѕидовите беше намачкана паста за заби.

Тој истрча во спалната соба за да ја најде сопругата стуткана во кревет во пижами, читајќи роман. Таа го погледна, се насмевна и праша како му поминал денот. Збунето ја погледна и праша: „Што се случило овде денес?

Таа повторно се насмевна и одговори: „Знаеш како секој ден кога ќе се вратиш од работа и ќе ме прашаш што по ѓаволите правев цел ден?

„Да“, одговори тој збунет.

Таа одговори: „Па, не го правев тоа денес“.