Ќерка ѝ Арабела умрела при раѓањето, син ѝ Патрик живеел само два дена, Џон ја изневерувал, а таа знаела и молчела: Трагичната судбина на Џеки Кенеди
Новата книга на
Марк Апдегроув наречена „Incomparable Grace: JFK in the Presidency“ ја виде
светлината на денот, која ги истражува вонбрачните афери на покојниот
американски претседател Џон Кенеди, кои многу влијаеле на неговиот брак.
Книгата исто така откри дека загубата на нивниот втор син ги зближила него и
неговата сопруга Џеки поблиску од кога било.
Важеше за харизматичен говорник, а жените паѓаа на неговиот шарм кој често го користеше за да ги прикрие своите недостатоци. Новата книга што се занимава со животот на Џон Ф., откри дека зад неговата привлечност се криел човек кој поминал многу предизвици. Токму оваа книга откри како Белата куќа, но и личните искушенија пред неговата смрт, го трансформирале Кенеди.
„Иако среќата му се насмевнуваше во текот на неговите 46 години од животот, трагедијата стрпливо чекаше цело време“, напиша авторот Марк К. Апдегров.
Проклетството на Кенеди
По смртта на Кенеди, сè што е поврзано со неговото семејство почнува да се гледа поинаку, а моделот што тој го следел на крајот ќе се смета за дел од проклетството на Кенеди.
Години по неговата смрт, угледот на „див и безмилосен женкар“ не само што не згасна, туку и напредуваше. Но, како што открива авторот, неговата страст за вонбрачни врски не била резултат на моќта што ја стекнал како претседател, туку модел што го научил на рана возраст.
„Во хиперконкурентното семејство Кенеди, импрегнирано со тестостерон, нескротливата женственост беше исто толку важна како и победата“, се вели во книгата, додавајќи дека Џон Ф. Кенеди пораснал апсорбирајќи го однесувањето на Џо Кенеди постариот, објави tportal.
Сепак, по растењето дошол бракот, а потоа и децата, но и откако беше избран за американски претседател, тој продолжи по востановената шема, а по неговиот атентат во 1963 година се појавија повеќе гласини и приказни.
Неговиот сексуален апетит се зголемувал само со секојдневните инјекции на кортизон, кои ги добивал за грбот, а сето тоа го поттикнувале неговите пријатели и асистенти, желни да му угодат во сè, вклучително и во наоѓање нови партнерки - од филмски ѕвезди, секретарки и специјализантки од Белата куќа, па се до врвни проститутки, но и сите оние кои без дискусија се согласиле на тоа. Меѓу нив имало и старлети, како и Мерилин Монро, која никогаш јавно не ја потврдила нивната афера со претседателот Кенеди.
Додека работеше на книгата, Апдегроув разговараше со многу „луѓе од доверба“ на Кенеди, а меѓу нив беше и актерката Енџи Дикинсон, која се присети на неговата харизма и добриот изглед, кој никого никогаш не оставил рамнодушен. Таа самата никогаш не потврди дека имала афера со претседателот. А освен тоа, авторот во книгата дал одговор на прашањето кое трае со децении: „Дали првата дама Џеки Кенеди знаела за потребата на нејзиниот сопруг од вонбрачни врски?
А одговорот е - да. Таа го прифатила тој дел од неговиот живот, но секако не ѝ било лесно, особено во јавноста, каде што секогаш зрачела грациозност.
Џеки роди мртва ќерка, тој времето го поминува на Капри
Пет години пред да биде избран за 35-ти американски претседател, Џеки Кенеди ги поминала најлошите моменти од својот живот, но тоа не му било грижа.
Во 1956 година, само три дена откако Џеки ја родила својата мртва ќерка Арабела, Кенеди бил на островот Капри, безгрижно уживал во европското крстарење и не ни размислувал да го запре и да се врати дома. Наместо тој, брат му Боби се грижел за ситуацијата дома, да ја утеши Џеки и да го организира погребот на неговата ќерка“.
Дури кога неговиот тогашен пријател Џорџ Сматерс го предупредил дека неговиот престој на Капри може да го чини на идните избори, Кенеди ги спакувал куферите и се вратил дома.
Слична трагедија го снајде семејството за време на мандатот на Кенеди во Белата куќа, кога се роди нивниот втор син Патрик, на денот кога Џон беше спасен 20 години порано, кога неговиот патролен торпедо брод го преполови јапонскиот разурнувач во Втората светска војна.
На 07 Август 1963 година, Патрик пристигна на овој свет пет и пол недели порано.
Малото момче е родено во време кога неговиот татко сè уште бил на пат кон болница, а кога конечно пристигнал, го видел само неколку минути, по што Патрик итно со хеликоптер бил пренесен во детската болница во Бостон и ставен во челична хипербарична комора за да може неговите бели дробови да останат во функција додека состојбата не се стабилизира.
Подоцна, додека спиел во чекалната во болницата, агентот на Тајната служба го разбудил претседателот за да го извести дека на Патрик му се влошува ситуацијата.
Патрик бил однесен, а Кенеди гледал додека седел на дрвен стол и бил облечен во хируршки костим, па се повлекол за да го оплакува својот син.
Само седум години по смртта на Арабела, тој решил да ја извести сопругата за уште една загуба. Откако се вратил од Бостон во Кејп Код, Кенеди, велат тие, паднал на колена и ја прегрнал Џеки додека солзите му течеле по лицето. Во тие моменти таа му рекла: „Едно нешто не можев да поднесам. Да те изгубам…“
Токму поради таа загуба кај Кенеди се всадило „чувство на смртност“ и тоа го зацврстило нивниот брак.
Парот пристигнал во Тексас на 22 ноември 1963 година, за да присуствува на парадата одржана на улица, на која присуствуваа 150.000 луѓе.
Сепак, идиличната поворка беше прекината со три пукотници во Кенеди. Џеки во болница останала со него до самиот крај, додека не ја погледнал последен пат.
Фото: Профимедиа
