„Ова е мојата порака“: Ријана без двоумење го објасни несекојдневниот труднички стил
Откако со месеци го криеше трудничкиот стомак, Ријана сега скоро секогаш го истакнува, а нејзиниот стил е поинтересен од било кога!
Со недели се шпекулираше дека пејачката од Барбадос Ријана е бремена, а таа носеше преголема облека која го криеше нејзиниот стомак и мудро молчеше.
Сепак, сите беа изненадени кога таа на крајот на јануари позираше со раперот и животен сопатник АСАП Роки, истакнувајќи го трудничкото стомаче.
Многумина имаа негативни коментари за тоа, но Ријана не обрнува премногу внимание и ужива во новата форма на телото и прекрасниот период од нејзиниот живот.
Како што сега истакна во интервју за Bustle, не и паѓа на памет да го носи она што се очекува од трудниците.
- Ова е моја лична порака: Нема да купувам облека за трудници! Нема да купувам панталони за трудници, фармерки, фустани или да правам нешто што ми го наметнува општеството – вели Ријана.
Запрашана како би го опишала својот стил, пејачката рече:
- Можеби ... Бунтовен? Кога претходно видов како жените се облекуваат во бременоста, мислев дека тоа е единствениот начин. Затоа се предизвикав да ги поместувам границите и мислам дека одлично си поминувам! За мене нема ништо позабавно од предизвик, тука сум многу креативна. Затоа се охрабрувам себеси на нови идеи и нови начини да направам нешто.
Ријана не крие дека ужива во својата трудничка модна бајка и можноста за експериментирање, а свесна е дека новиот период од животот со себе носи нови фази и нови можности за модни експерименти.
- Не сакам сега да заврши ова! Ќе има и други страни на бременоста, како да се вратите во форма потоа, а тоа ќе биде предизвик за себе. Затоа и во оваа фаза се радувам на креативноста – истакна Ријана.
