Бел мебел, златни и бохо детали од 20.000 евра : Ѕирнете во луксузниот дом на Наташа Беквалац (ФОТО)
Еве како изгледа станот на Наташа Беквалац кој деновиве го реновира ...
Наташа Беквалац во неколку наврати потенцираше дека ѝ е важно станот во кој живее да биде навистина нејзина оаза на мирот кога ќе се врати од напорните настапи. На Инстаграм неколку пати со задоволство споделуваше детали од својот дом, а во текот на сите овие години неколку пати го менуваше живеалиштето.
Сепак, без разлика каде живеела, таа секогаш се трудела просторот да зрачи топлина и елеганција. Беквалац пред три години се пресели од Нови Сад во Белград, каде со ќерките ужива во својот дом на Дедиње.
Таа лани го реновираше луксузниот имот, а како што пишува, за него издвоила дури 20.000 евра, за да изгледа сè онака како што таа замислила.
И навистина, доволно е да се погледнат поновите фотографии и да биде јасно дека секој елемент е внимателно одбран, но и дека пејачката сака бохо шик стил, за што сведочат деталите од природни материјали, ткаени килими, сушено цвеќе, украсите на ѕидовите од макраме и слично.
Дневната соба е опремена во светли нијанси и преовладува белата боја. Пред големиот телевизор е поставен голем сив тросед, а во средината на собата има голема маса од масивно дрво.
Таа неодамна ја опреми спалната соба со нов сив кревет кој одлично се вклопува со мермерната ноќна маса.
И во бањата преовладуваат белите нијанси, а украсена е со италијански плочки и позлатени чешми.
Наташа еднаш зборуваше за уредувањето на станот.
- Решивме сами да создадеме бајка. Се почестивме со нов мебел за 8-ми март – изјави неодамна таа, а повеќе детали од нејзиниот фантастичен дом погледнете во галеријата подолу:
Извор: wanted.mondo.rs
Фото: Instagram