Брат близнак му растел на рамо, па му бил хирушки отстранет? Животот на познатиот холивудски актер е вистинска енигма
Енди Гарсија важи за еден од најголемите познавачи на Холивуд, а неговата животна приказна е многу интересна
Иако неодамна наполни 67 години, познатиот актер Енди Гарсија сè уште плени со својот безвременски шарм и имиџот на заводник кој го следи во текот на неговата кариера.
Имал пет години кога по кризата во Заливот на свињите, за време на американската инвазија на Куба, дошол во Америка со своето семејство. Родителите на Гарсија добро се снајдоа во Америка и стекнаа вистинско богатство.
Ова му овозможи на Енди да студира на Флорида, каде што влезе во Националниот колеџ за драмски уметности и играше во театар до 1978 година, кога се пресели во Холивуд.
Во градот на филмот дојде со амбиција да стане ѕвезда, но како и многумина, кариерата ја започна со „носење послужавници“ во ресторан. Иако работел како келнер, тоа не го спречило редовно да учествува на аудиции за филмски улоги.
Неговите први улоги беа во нискобуџетни филмови, но тоа беше само вовед во поголемите успеси на овој актер кој се прослави во втората половина на 1980-тите. Првиот голем успех го постигна во 1987 година со филмот „Недопирливите“ со Кевин Костнер и филмовите „Крвни пари“, „Кум 3“, „Стоп и избави“, „Повторно мртов“, „Кец од ракав“ го направија актер препознатлив во акционите трилер филмови со препознатлив „мрачен“ изглед.
Во 1990 година, тој беше номиниран за Оскар за најдобра споредна машка улога и Златен глобус за најдобра споредна машка улога за неговата улога во „Кум 3“, во која го толкува ликот на Винсент Манчини, вонбрачниот син на Сони Корлеоне.
Инаку, познатиот актер се поврзува со еден вид мит кој со години кружи низ Холивуд. Всушност, постои приказна дека Гарсија е роден со споен близнак со големина на тениско топче на рамото.
Бидејќи близнакот бил „паразит“, односно вид тумор, лекарите го отстраниле. Актерот има лузна на рамото, поради што никогаш не игра сцени без кошула. Сепак, и покрај овие екстремно упорни гласини, Енди никогаш не го коментирал наводниот близнак и нема вистински докази дека тој некогаш постоел.
Од 1981 година е во брак со својата сонародничка Марија Викторија, со која има четири деца.
„Тоа беше како удар на гром. Бевме многу млади, но таа ме соблече од моите нозе. Некои луѓе се познаваат некое време и прво минуваат низ фаза на пријателство, но кога се запознавме таа вечер, ми беше јасно дека таа е жената на мојот живот. Таа вечерта ми кажа дека сигурно сум ги запросил сите девојки пред неа, но тоа не е вистина! Такви работи може да се случат. Не сакав таа да се оддалечи од мене“, рекол тој во едно интервју за „Пипл“.
Иако ја запросил на првиот состанок, тие се венчале седум години подоцна, кога тој имал само 25 години, а неговата невеста 24. Гарсија е целосна енигма во светот на Холивуд. Иако ги одигра некои од најголемите улоги и стекна огромна популарност најголемиот дел од својата приватност успеа да го задржи за себе до ден-денес. Ретко дава интервјуа и речиси никогаш не е во јавност, а сите приватни настани љубоморно ги задржува за себе.
