ЕДНА ТРЕТИНА ОД УЧЕНИЦИТЕ ЖРТВИ НА НАСИЛСТВО - говор на омраза најмногу се шири на социјалните медиуми
Речиси две третини од анкетирани ученици во средните училишта во Скопје сметаат дека има врсничко насилство во нивното училиште, а околу една третина биле жртви на некоја форма на врсничко насилство изминатата година. Ова го покажало истражувањето спроведено од Институтот за човекови права, кое било спроведено од декември 2021 до февруари 2022, при што биле анкетирани 995 ученици и 255 наставници за темата булинг, говор на омраза и дискриминација. И учениците, и наставниците сметаат дека говорот на омраза е најраспостранет на социјалните мрежи.
Според истражувањето, мнозинството испитаници сметаат дека мал дел од булингот се пријавува, а најмногу се случува во основно училиште. Во однос на полот, девојчињата за разлика од момчињата, сметаат дека врсничкото насилство е поприсутно во нивното училиште. Учениците сметаат дека говорот на омраза најчесто го има на социјалните мрежи и во изминатата година oколу една четвртина од нив биле изложени на некоја форма на говор на омраза.
