Го погледнав синот и поради еден детал сфатив: „Моето бебе има рак“

Додека го фотографирал својот син со мобилниот телефон, а потоа ја погледнал фотографијата, знаел дека нешто не е во ред.

Овен Скривенс од Велика Британија е горд татко на малиот Џексон кој има само 14 месеци. Додека го сликал како и како секој ден, една слика му изгледала поинаква. На едното око бебето имало бел одсјај, а другото му било црвено.

Таа слика не му дала мир, па почнал да истражува. Прво на интернет, а на крајот отишол на лекар. За помалку од еден месец малиот Џексон ја започнал својата прва хемотерапија.

- Докторката ми кажа дека не видела толку брза реакција во 16 години од нејзината кариера. Нашиот кошмар започна тогаш, но Џексон беше толку храбар што не можевме да бидеме погорди на него. Операцијата му го спаси животот, а потоа следеше хемотерапија. По шест третмани со хемотерапија, се покажа дека ракот престана да се шири и дека момчето е безбедно - вели Емили Смит, мајката на Џексон.

Имено, станува збор за ретинобластом, редок вид тумор кој се јавува на мрежницата.

- После тоа внимателно ги прегледав сите фотографии и се забележува точно кога се појавил ракот, на крајот на ноември, а дијагнозата била поставена во декември - изјави таткото за медиумите. Туморот се намалил на една третина од неговата оригинална големина, но никогаш нема целосно да исчезне. На лекарите, родителите и малиот Џексон им останува само да се надеваат дека ретиноластомот ќе остане мала и безопасна маса. Сепак, Џексон ќе мора цел живот да оди на контроли.

За жал, само пет месеци подоцна, Џексон повторно заболел од рак.

- Срцето ми се скрши кога повторно ги слушнав истите реченици. Следеше уште една операција и уште шест хемотерапија - вели Емили, додавајќи дека Џексон во моментов е во стабилна состојба 10 месеци.

- Џексон е прекрасно, храбро и паметно момче. Се плашам дека никогаш нема да можеме да се ослободиме од тој натрупан страв, но не можеме да бидеме погорди на нашето убаво момче - заклучуваат родителите.

Извор: zena.blic.rs / (metro.co.uk)

Фото: Facebook/ Emily Smith / Facebook