Синоќа, на гала прославата на брендот Булгари во Париз, сите очи беа вперени во Тина Кунаки (25) и Винсент Касел (55), сопружници кои креваат прашина каде и да се појават. Тина уште еднаш покажа дека е мајстор за предизвикувачки изданија и дека непогрешливо избира креации во кои не може да остане незабележана.

Убавата 25-годишна девојка блесна во впечатлив, модерен аутфит, избирајќи лимон зелен, долг фустан со потписот на брендот Y / Project.

Оваа необична креација ја красеа предолги ракави, горниот дел во форма на кошула, но и карактеристичен, храбар шлиц на стомакот што ја направи целата оваа модна приказна попривлечна.

Сопружниците важат и за модни магионичари и за совршено стилизирана двојка, која редовно воодушевува со својата урбана и оригинална облека, а публиката ја сака нивната специфична харизма и фактот што се многу склони да разменуваат нежности во јавноста и постојано да се допираат, гушкаат и љубат.

Да потсетиме, парот е во брак од 2018 година, а ја имаат и ќерката Амазонија. Романсата започна кога Тина имаше само 18 години, набргу откако Касел стави точка на бракот со Моника Белучи. Повеќето беа убедени дека францускиот шармер никогаш нема да најде жена која ќе и парира на италијанската дива, но изборот на младата и згодна Тина дефинитивно ги убеди сите.

Многумина тврдат дека новата госпоѓа Касел е поубава и од Моника, а парот е ИТ пар на Инстаграм - имаат многу навивачки групи и многумина го обожаваат нивниот моден стил, но и споделуваат фотографии на кои без двоумење покажуваат нежност. 

Фото: Screenshut Instagram