Мајка ѝ ја оставила на скалите како новороденче: По 35 години се случува пресврт од кој ќе заплачете
Мајката пред 35 години го оставила бебето на скалите мислејќи дека некој ќе го најде. После 35 години се случува пресврт кој ја расплака.
Ова е емотивниот момент кога жената првпат ги запознала своите четири браќа и сестри во филмот A Long Lost Family: Born Without a Trace, откако била напуштена на скалите на Лондонската кула како новороденче.
Англичанката Ника Видон (35) од Чигвел, Есекс, била пронајдена спроти полициската станица како бебе во април 1987 година, именувана по службеникот на должност тој ден. Бебето му го предало загрижен случаен минувач кој налетал на неа.
Била посвоена и имала среќно детство, но копнеела да го дознае својот идентитет, барајќи помош од екипата на ТВ серијата „Одамна изгубено семејство“, а благодарение на ДНК тестот откриле дека по потекло е од Шкотска и Нигерија.
Истражувачите ги пронашле и нејзините покојни родители и четирите возрасни браќа и сестри, кои биле шокирани кога откриле дека имаат уште една сестра. Тројца браќа и сестри се постари од Ники, а еден е помлад.
Мајката страдала од депресија
Тие објаснија дека нивната мајка страдала од депресија по смртта на нејзините две деца во раното детство, како и поради бројните абортуси. Во меѓувреме, на нивниот татко му била дијагностицирана шизофренија во моментот на раѓањето на Ника.
Се претпоставува дека биолошката мајка на Ника поради тоа ја напуштила ќерката и ја оставила таму каде што некој сигурно ќе ја најде.
Во емотивните сцени кои беа емитувани во најновата епизода од оваа програма, браќата и сестрите за прв пат се сретнаа. На почетокот на програмата, Ника на камерата го покажа својот знак од болницата, на кој пишуваше „31-3-87 или 1-4-87“ за нејзиниот датум на раѓање, покрај прашалник.
- Кога ќе го видам тоа со прашалникот, многу ме растажува што не знаат кога всушност сум родена. Ме пронајдоа во 7:58 сабајле... Треба да разберам зошто ме остави онака како што ме остави. Тоа влијае на мене, чувствувам дека сите што ги сакам и за кои се грижам ќе ме напуштат затоа што личноста која требаше да остане прва си замина. Ме тера да мислам: „Дали направив нешто погрешно?“ многу е тешко – рече таа.
Повторно обединување со браќата и сестрите
Ника се сретнала и со полицаецот кој бил на должност кога била пронајдена, а кој е нејзин истоименик.
- Се сеќавам дека те најдоа токму пред полициската станица. Со текот на годините постојано мислев дека само ти било судено да те пронајдат - ѝ рекол полицаецот на Ника.
- Никогаш не мислев дека мајка ми сака некој да ме најде. Всушност, се чувствувам малку подобро што бев толку блиску до полициската станица, тоа навистина ме утеши – одговори таа.
Истражувачите на крајот пронајдоа совпаѓање со ДНК на Ника и го открија нејзиниот постар брат Џон. За жал, родената мајка на Ника починала во 2008 година на 50-годишна возраст, а нејзиниот татко починал на 35-годишна возраст.
