Најубавата жена во исламскиот свет повторно стана баба: Кралицата Ранија го дочека детето на својата ќерка
Јорданското кралско семејство е побогато за уште еден член - принцезата Иман и нејзиниот сопруг Џамил Термиотис станаа родители на својата прва ќерка. Среќната вест ја сподели кралицата Ранија, горда баба, со серија трогателни фотографии од болницата.
Први моменти со малата Амина
На фотографиите што ги објави кралицата Ранија на Инстаграм, може да се види преслатко бебе, завиткано во крем плетено ќебе, со розова капа на главата. Заедно со нежните слики, кралицата сподели и емотивни зборови на благодарност.
- Мојата драга Иман сега е мајка. Благодарни сме и пресреќни што ја запознавме Амина, најновиот благослов за нашето семејство. Честитки за Џамил и Иман - Господ да ве благослови вас и вашето драгоцено девојче“, напиша Ранија.
Кралските фанови набрзо ја преплавија објавата со честитки, испраќајќи им најубави желби на новите родители и малата Амина.
Љубовната приказна на принцезата Иман и Џамил
Принцезата Иман и Џамил Термиотис се венчаа во март 2023 година во палатата Беит Ал Урдун во Аман, откако се свршија во 2022 година. Невестата блескаше во елегантна венчаница „Диор“ и блескава „Chaume“t дијадема на која држеше прекрасен превез од тантела.
На интимната церемонија, младенците беа придружувани од нивните најблиски роднини - кралот Абдула Втори, престолонаследникот Хусеин и принцот Хашем.
По венчавката, кралицата Ранија и се обрати на својата ќерка со емотивни зборови:
- Имам, се молам ова следно поглавје од твојот живот да ти донесе исто толку радост, љубов и смеа како што ни донесовте низ годините. Честитки за невестата и младоженецот!
Сега, две години подоцна, семејството радосно пречекува уште еден член - малата Амина, чие име ја симболизира безбедноста и верата, носејќи нова среќа во кралската палата.
ФОТО: Инстаграм
