Ако некоја позната личност некогаш апелирала до младите да не подлегнуваат на пластичните интервенции, туку да го задржат природниот изглед, тогаш тоа е водителката Ирена Спировска.

Несомнено е една од најубавите жени кај нас која никогаш нема правено никакви естетски интервенции.

За нејзиниот добар изглед се грижи здравиот живот и на балансираната исхрана, а лично тоа го докажа и овој пат постирајќи фотографија од нејзините омилени активности на кои е посветена во слободното време.

Спировска денешниот врнежив втори мај го помина на велосипед заедно со партнерот. Таа ужива во планинарењето, а пораката што во една прилика им ја упати на помладите е дека со редовни спортски активности и со умерена исхрана можат да бидат атрактивни и убави и во зрелите години. 

„Жал ми е што гледам сè повеќе млади девојки со естетски корекции. Жените во зрели години и можам да ги разберам некако што се одлучуваат да направат естетски интервенции, но никако не можам да ги разберам младите девојки“, ни изјави Ирена.

Таа е препознатливо лице од тв екраните, која зад себе има успешна 25 годишна кариера. 

Ирена Спировска е најангажираната водителка на промоциите на речиси сите познати поп и фолк-пејачи, како и многу културни и општествени настани и е синоним за успешна, но и негувана и убава жена. Приватно најголема радост ѝ е ќерката Зорица, а е и активен член на НВО „Борка“.

Фото: Инстаграм/printscreen Irena Spirovska oficijalen profil

(ФОТО) Не кријам дека сум во врска: Ирена Спировска го покажа партнерот