Природни лекови за изгореници: Смирете ја болката и црвенилото на кожата со состојки од кујната
Народните лекови брзо ќе ја отстранат непријатноста
предизвикана од изгореници од сонце. Имате се‘ во фрижидер.
Можеби не сте нанеле крема за сончање затоа што сте мислеле дека ќе бидете кратко време надвор или сте заборавиле повторно да ја нанесете по капењето во море или базен. Без оглед на причината, вашата кожа е црвена и болна на допир. Овие народни лекови брзо ќе ги отстранат тие непријатности.
Марула
Замрзнете неколку листови зелена салата или потопете ги во ладна вода. Потоа ставете ги директно на изгорениците од сонце. Брзо ќе почувствувате големо олеснување. Друга опција е да се зготви зелена салата. Исцедете ја течноста и ставете ја во фрижидер неколку часа. Нанесете ја течноста на изгорената кожа со памук или нанесете натопена газа како облога.
Млеко
Млекото содржи важни минерали кои брзо ја смируваат кожата, но треба да користите полномасно млеко. Измешајте млеко и вода во еднакви размери и натопената газа ставете ја на изгорениците или смесата нанесете ја на кожата со памук. Оставете да се исуши и потоа исплакнете со ладна вода. Повторете ја постапката два пати на ден.
Чај од невен
Направете чај од невен, а кога ќе се олади со памук нанесете го на изгорениците. Оставете го да делува до следното туширање. Помага и чајот од нане, има ефект на ладење и ја намалува болката.
Мед
Медот е природен лек за многу проблеми, вклучувајќи ги и изгорениците од сонце. Многу истражувања покажале дека има антибактериско дејство и помага за зараснување на раните. Нанесете тенок слој мед на местата каде што кожата ви е црвена. Ќе го намали воспалението, ќе помогне во регенерацијата на клетките на кожата и ќе ги спречи штетните последици од прекумерното изложување на сонце.
Краставица
Краставицата исечкајте ја ситно или изблендирајте ја во блендер и измешајте ја со млекото. Нанесете ја оваа смеса на сите места на телото каде што кожата е црвена. Овој природен лек од кујната ја омекнува кожата, го намалува чешањето, црвенилото и воспалението. Тоа е многу ефикасен, бидејќи го подобрува целокупното здравје на кожата. Покрај тоа, краставицата има ефект на ладење.
Сок од домати
Сокот од домати помешан со кисело млеко брзо ја обновува кожата, бидејќи ја забрзува нејзината регенерација, па е многу ефикасен за изгореници од сонце. Нанесете ја смесата на кожата, држете ја половина час, а потоа измијте ја со ладна вода. Повторувајте ја оваа постапка два пати на ден, за брзо да се опоравите и повторно да одите на плажа.
Фото: Freepik
Извор: најжена
