Сите зборуваат за Денис кој се разбуди од кома по 10 месеци, но се почна со морничава сообраќајка: Момчето заминува во Хрватска на рехабилитација

Чудото од Свилајнац, Денис Миловановиќ, по 10 месеци се разбуди од кома и синоќа отпатувал во Хрватска на лекување кое може целосно да му го врати нормалниот живот кој накратко бил прекинат поради страшна сообраќајна несреќа, пишува Блиц.рс.

На Видовден ќе се наврши точно една година од страшната сообраќајна несреќа кај селото Купиновац, недалеку од Свилајнац. Во автомобилот тогаш имало пет млади луѓе на возраст од 17 до 20 години. Се враќале од роденден во тоа село, среќни, не знаејќи што ги чека.

Но, набргу по излегувањето од селото, возачот губи контрола над возилото и со голема брзина се случува сообраќајна несреќа. Ужасните слики од местото на несреќата јасно навестуваа дека ништо не е безопасно.

Возачот бил врзан и веднаш бил надвор од животна опасност. Тоа не можеше да се каже за другите. Најпрво сите биле пренесени во Клиничкиот центар во Крагуевац каде им била укажана прва помош. После тоа, четворица биле префрлени на ВМА во Белград. Денис беше во тешка ситуација. Тогаш започнува борбата на лекарот за неговиот живот.