Весна де Винча облече бикини после 32 дена гладување и сними туторијал како да летувате со многу малку пари
Весна де Винчa (Весна Југовиќ), сопственичката на српската модната агенција „Мис Ју“ и препознатлива јавна личност во соседна Србија, неодамна се најде во центарот на вниманието на јавноста благодарение на контроверзниот метод на детоксикација и исхрана што го практикува со недели.
Имено, оваа 64-годишна жена со денови гладува, а единственото нешто што во текот на денот на нејзиното мени не е течно се 10 до 15 цреши со семки. И додека публиката на нејзиниот Инстаграм дебатира дали Весна е преригорозна во напорите да го исчисти телото, оваа дама ужива на одморот во Грција.
Инспирирана од уживањето на прекрасните грчки плажи, таа реши да сними кратко видео за „како да се одморите со многу малку пари“.
Судејќи по нејзиното видео, Весна е стационирана во Ситонија, едно од омилените одморалишта на многумина наши во Грција, а таа тврди дека тука е можно да се помине „светски, робинсонски“ одмор со симболична фигура на пари.
„Значи, доаѓате во Ситонија, земате соба или стан со бања, зависи од тоа колку од вас одат. Излегувате од тој стан во 8 часот наутро, се враќате во 9 навечер мртви уморни, и околу 10, 11 навечер сте спремни за спиење.
Во меѓувреме, посетувате десетици неверојатни заливи, плажи, шуми. Тоа е таква убавина, тоа е такво богатство, за здравје, за оние кои знаат да гледаат убавина. Така цел ден носиш вода, сендвичи, сокови, овошје, ништо повеќе... Навечер кога ќе се вратиш, некоја супичка со децата.
А тоа значи дека уживате, уживате, уживате и се менувате, истражувате, фотографирате, се обидувате да ја пронајдете таа прекрасна искра на убавина во сè. Човек кој се враќа на природата - се лекува себеси“, изјави Весна.
Доколку имате авантуристички дух и уживате во пливање, зајдисонца, опуштени одмори и лежење на песок, а не ви е гајле за излегување, вечери или претерана удобност, мора да признаеме дека советот на Весна е реален.
Инаку, таа сподели и серија фотографии од овој одмор, нагласувајќи дека успеала да одолее на предизвиците во Грција и покрај тоа што на секој чекор била опкружена со храна и пијалок, продолжила да го спроведува својот режим на постот - токму 32 дена по ред.Фото: Инстаграм
Според принципот на Далај Лама, главна цел ми е редовна столица: Весна де Винча гладува веќе 8 дена - повторно почна да го „чисти организмот“Можеби ќе ве интересира
