Жена на одмор доживеала екстремно оштетување на лицето поради „труење со сонце“: Ова се предупредувачки симптоми

Добивај вести на Viber

Се врати дома со непрепознатливо лице и отечени очи откако претрпела алармантни последици од сончање...

Една жена ги предупреди своите следбеници за опасностите од „труење со сонце“, откако доживеа екстремен оток на лицето по сончање за време на одмор во Гран Канарија.

Таа ги сподели катастрофалните последици од УВ зрачењето на нејзиниот профил на Тик ток @llioeriin, веднаш по враќањето од патувањето. Во видеото со наслов „Watch Me Get Sun Poison“, жената објавила компилација од фотографии и кратки клипови кои ја документираат нејзината тешка реакција на сонцето, која започнала со отечено чело.

На почетокот на видеото, таа сподели слика од нејзиното лице од страна, истакнувајќи ги раните фази на труење со сонце - но дури следното утро работите навистина тргнале на полошо.

- Следното утро се разбудив со отечено око - им порача на своите следбеници со видео од лицето со едно затворено око, по што откри дека отокот на десното око и бил толку силен што „не можела да го отвори“ и објасни дека состојбата „и се влошува“.

- Отидов да спијам и се разбудив со двете очи отечени. И двете очи ми беа затворени и ништо не можев да гледа, – истакна таа, шегувајќи се дека „никогаш не изгледала подобро“ и ги предупреди своите следбеници за ризиците од труење со сонце: - Не заборавајте да носите крема за сончање!

Следниот ден лицето почнало да и се лупи, кога конечно побарала итната медицинска помош. Според неа, отокот и црвенилото и поминале околу една недела, но останала загрижена дека никогаш повеќе нема да може да види.

Виралното видео досега собра неверојатни 27 милиони прегледи, со повеќе од 2,9 милиони лајкови и 25,4 илјади споделувања под кои многумина го кажаа своето мислење.

- Како можат луѓето да бидат толку мирни за време на ова? Ќе мислам дека умирам и веднаш ќе отидам директно во болница - забележа еден корисник на Тик ток, додека друг корисник се согласи: - Првиот пат кога добив труење од сонце мислев дека легитимно умирам.

Што е труење со сонце?

Труењето со сонце, пишува „Mirror“, всушност не значи дека сте отруени, туку термин што се користи за опишување на тешките изгореници што се јавуваат кога ултравиолетовото (УВ) зрачење ја гори кожата.

Ова може да се случи кога сте премногу долго на сонце, не користите крема за сончање или заборавате да преземете дополнителни мерки на претпазливост, особено ако сте изложени на зголемен ризик од изгореници. Исто така познато како полиморфна светлосна ерупција, труењето со сонце може да варира во зависност од вашата чувствителност на сонцето.

На пример, поголема е веројатноста да изгорите ако имате светла кожа и светла коса. Сепак, за разлика од благите изгореници од сонце, труењето со сонце обично бара медицински третман за да се спречат компликации.

Труењето со сонце може да предизвика низа симптоми во зависност од тежината, вклучувајќи црвенило и плускавци на кожата, како и болка и печење. Се јавува и оток. Има и главоболки, треска, гадење, вртоглавица, дехидрација и сл. „магла“ во мозокот, односно конфузија. Труењето е придружено и со отежнато дишење и несвестица.

- Изгорениците од сонце само еднаш на секои две години може тројно да го зголемат ризикот од рак на кожата од меланом, во споредба со оние кои никогаш не изгореле. На луѓето им се советува да поминуваат време под сенка помеѓу 11 и 15 часот, во најтоплиот дел од денот и да носат соодветна облека и очила за сонце додека се на сонце - предупредува Cancer Research UK.

Тие наведуваат и дека при купување крема за сончање, на етикетата треба да има заштитен фактор (SPF) од најмалку 30 за заштита од УВБ и најмалку 4 ѕвезди за заштита од УВА.

- Погрижете се да не ви е истечен рокот на кремот за сончање и да не поминувате премногу време на сонце без него. Исто така, треба да се јавите кај вашиот лекар ако развиете плускавци или отечена кожа, ако имате треска или ако вашето бебе или мало дете има изгореници од сонце.