Златни детали и мермер: Вилата на Цеца, на Дедиње, зрачи со незамислив луксуз, ѝ нуделе да биде туристичка локација (ФОТО)

Фолкерката никогаш не ги отвори вратите на својот скапоцен дом за медиумите, но благодарение на објавите на социјалните мрежи, можеме да ѕирнеме во луксузот во кој живее семејството Ражнатовиќ.

Пејачката Светлана Ражнатовиќ никогаш не сакала да го прикаже својот луксузен дом, па затоа немавме можност да го видиме ентериерот на нејзината вила во едиторијал. Меѓутоа, куќата на Цеца привлекува внимание: едвај има граѓанин на Белград кој не знае каде е вилата на Ражнатовиќ, а своевремено пејачката добила понуда нејзиниот дом да стане туристичка локација, што таа ја одбила.

Сепак, благодарение на социјалните мрежи, обожавателите на Цеца можат да видат каков гламур ја опкружува во нејзиното секојдневие. И пејачката и нејзината ќерка Анастасија често споделуваат фотографии направени дома, па таму имаме можност да видиме дека секој детал зрачи со елеганција.

Прозорците се претежно врамени со тешки драперии, а масите се скапи, масивни и изработени од цврсто дрво, додека доминантната боја е кафеава, во разни нијанси. Сепак, кремските тонови се исто така широко застапени, и интересно е што нема монотоно и здодевно катче: ако има часовник на масата - тој е златен, интересно обликуван и внимателно изработен, и ако видиме стол на фотографијата - се карактеризира со интересни детали.

Забележливо е дека Ражнатовиќ претежно избира златна боја и бакарни тонови за украси, како и дека обожаваат свеќи и рамки.

Инаку, во оваа катна зграда има мермерно скалило и столбови, а пред неколку месеци во куќата е изграден приватен базен и простор за масажа, така што уживањето и релаксацијата во домот на Ражнатовиќ е загарантирана.