Холивудската актерка Ума Турман го обвини режисерот Харви Вајнштајн за сексуално вознемирување, објави „Њујорк тајмс“.
Како што кажала 47-годишната актерка, Вајнштајн се обидувал да биде интимен со неа кратко време по снимањето на филмот „Криминали“ (1994), што го продуцирал. Според Турман, за време на нивниот состанок во хотел во Париз, тој се појавил гол пред актерката и ја поканил во сауна, но таа го одбила.
Некое време по оваа епизода, Вајнштајн и Турман се сретнале во хотел во Лондон. Како што тврди актерката, продуцентот барал блискост со неа. Турман му кажала на Вејнштајн дека ќе каже за неговите постапки. Во одговор продуцентот почнал да и се заканува на актерката дека ќе и ја уништи кариерата.
Претставници на Вајнштајн, кој моментно се лекува, посочуваат пред The New York Times, дека продуцентот никогаш не и се заканувал на Турман. Според нив, Вајнштајн навистина флертувал со неа и очигледно „неправилно ги разбрал сигналите“ што му се чинело дека му ги дава актерката и „веднаш се извинил“" по инцидентот во Лондон.
Потсетуваме дека во октомври минатата година The New York Times објави истрага во која открива дека Вајнштајн применувал сексуално вознемирување на службенички на компанијата во која работел.
Повеќе од 80 жени набрзо по тоа упатуваат исто такви обвиненија против него, вклучувајќи ги актерките Анџелина Џоли, Гвинет Палтроу и Салма Хајек.
