Ако ги имате овие особини, помали се шансите да се разболите: Лекар објасни кои болести ги развиваат одреден вид луѓе
Организираните и самодисциплинираните луѓе се подобро заштитени од деменција во подоцнежните фази од животот
Дали знаевте дека карактерот и типот на личност може значително да влијаат на ризикот од болест. Најновото истражување, објавено во списанието за личност и социјална психологија, покажа дека организираните и самодисциплинираните луѓе се подобро заштитени од деменција во подоцнежниот живот.
Според резултатите од ова истражување, во оваа група на луѓе спаѓаат и екстровертите. Долги години, психолошките студии кои ја проучувале човечката личност се фокусирале на две крајности - интровертност и екстровертност. Самиот термин екстровертност доаѓа од латинскиот јазик и едноставно значи отвореност.
Така, екстровертноста е тип на личност која се карактеризира со отвореност и голем интерес за луѓето и работите околу нив. Студиите следеле 2.000 постари луѓе во Чикаго за да утврдат дали нивните карактеристики се поврзани со когнитивно оштетување, што ги означува првите знаци на деменција.
Резултатот покажал дека луѓето кои се склони кон лошо расположение имаат поголем ризик да заболат од оваа болест. Оние кои покажаа исклучителна организација со која го водат својот живот, живееја две години подолго без никакви знаци на влошување на менталното здравје. Меѓутоа, луѓето кои биле тажни, нерасположени или емоционално нестабилни, доживеале штета во просек околу една година порано.
Д-р Томико Јонеда, психолог од Универзитетот во Викторија, истакна многу претходни докази кои ја поврзуваат дружељубивоста и помалиот ризик. Менталната стимулација се смета за еден од најголемите заштитници на когнитивниот пад.
„Карактеристиките на личноста одразуваат релативно постојани модели на размислување и однесување, што може кумулативно да влијае на вклученоста во здрави и нездрави однесувања и шеми на размислување во текот на животот.
