Арапска торта без брашно, со гриз и кокос: Најдобар и најбрз рецепт за познатата Басбуса

Добивај вести на Viber

Фото: printscreen youtube

Рецептот за овој лесен и прекрасен деликатес направен од гриз се прошири низ Ориентот и стигна до нашите краишта, а ќе се изненадите колку лесно се подготвува

Басбуса е еден од омилените деликатеси на блискоисточната кујна, а потекнува од Египет, иако денес се прави насекаде низ светот. Во Македонија варијантите на оваа торта се познати како раванија, додека Ерменците својата ја нарекуваат шамали, а Турците и Албанците ревани.

Во секој случај, тоа е колач добро натопен во сладок шеќерен сируп, кој најчесто се сече на коцки, а често во центарот на секој се става по еден орев или бадем.

Басбуса торта во египетски стил

Состојки:

5 јајца

200 гр шеќер

240 мл густ јогурт

240 мл масло

1/2 лажичка кардамон во прав

За сирупот:

240 ml вода

200 гр шеќер

1 лажица розова вода

3 супени лажици сок од лимон

Подготовка:

Јајцата со шеќер се матат со миксер, па се додаваат јогуртот, прашокот за пециво и кардамонот и се продолжува со матење.

Потоа истурете го маслото и кокосовото брашно и убаво измешајте.

Додадете го гризот и мешајте додека смесата не стане компактна.

Истурете во плех обложен со хартија за печење и печете во рерна загреана на 180 степени околу 35-40 минути.

Потоа во тенџере измешајте ги состојките за сирупот, доведете до вриење и потоа варете уште 6-7 минути.

Исечете го колачот на коцки, па прелијте го со сирупот.

Посипете со кокосово брашно.

Извор: glossy.espreso.co.rs

*пр-објава