Дали е ова начин да се преживее? Ракот ѝ метастазирал, а поради терапијата морала да распродаде сè

Го продала автомобилот за да се лекува. Дениса Такачова (41) се бори со тумор на дојка. Но, патот до нејзиното закрепнување е сè уште скап

Дениса веќе девет години живее со метастатски рак на дојка. Нејзината единствена надеж за лек е насочениот молекуларен третман. Туморот метастазирал во црниот дроб, за среќа растот на метастазите престанал.

Третманот не е категоризиран и е скап за осигурителните компании, па на Денис веќе четири пати ѝ било одбиено барањето за враќање на парите.

 Иако работев и плаќав придонеси во текот на целиот период на работа, бидејќи ми беше констатирана болеста, не можам да добијам надоместок за лекување - рече таа, а пренесува zena.pluska.sk.

Моравме да го продадеме автомобилот за да бидам лекувана

Таа не се откажува и реши да се бори за животот. Таа и нејзиниот сопруг го продале автомобилот за да го финансираат лекувањето. Дениса вели дека борбата со властите е исцрпувачка, но не се откажува.

- Морам да го докажам тоа бидејќи сè уште сакам да живеам. Но, се чувствувам како да сум во лош филм – вели таа.

Секогаш добро се грижела за своето здравје. Кога и бил дијагностициран рак, таа не се пожалила и малкумина знаеле дека е болна.

На само 32 години дознала дека има сериозен проблем. Таа се разболела и покрај редовните прегледи на градите.

- Ми најдоа цисти на градите, па редовно посетував лекар - еднаш во шест месеци - открива оваа млада жена. Нејзиниот тумор на крајот се развил на сосема друго место.

- Во јануари бев на преглед и немаше ништо, но во јуни туморот веќе беше неколку сантиметри - објаснува Дениса. Причината веројатно била генетска мутација на BRCA1. Ова е причина за рак на дојка кај младите.

Лечење преку границите

Речиси веднаш почнала да се лекува. Таа најпрво била подложена на билатерална мастектомија, па хирурзите ѝ ги отстраниле двете дојки.

- Правев операција во Будимпешта и таму ми направија зголемување на градите за време на операцијата. Во Словачка вакви операции се прават само со исклучоци - вели Дениса, која го фали фактот што не го доживеала шокот од будењето без гради по анестезија. Нејзиното здравствено осигурување не ја платило операцијата во странство.

Дениса потоа помина низ неколку циклуси на хемотерапија и хормонска терапија. Секогаш со насмевка и расположена одела на хемотерапија. Тврди дека не е тип на човек да ја обеси главата и однапред да се откаже.

За жал, набргу по хормонскиот третман на Дениса, нивото на онкомаркер се зголемил. Таа објаснува дека туморот успеал да и порасне во црниот дроб, па онкологот препорачал третман со циклиб. Дениса ги зема веќе четврти месец, иако лекувањето е многу скапо - таа и нејзиниот сопруг веќе вложиле илјадници евра во лекувањето.

- Не знам што ќе се случи кога ќе останеме без пари. Мојот сопруг и јас моравме да се откажеме од желбата да имаме деца. Се поддржуваме еден со друг. Но, се прашувам дали ова е навистина начин да се остане жив? Колку долго можеме да издржиме?

За жал многу жени умираат сосема непотребно бидејќи не се подложени на редовни мамографски прегледи. Тоа е она што може да открие болест во фаза кога сè уште може да се лекува. Во моментов мамографијата е единствениот метод кој може да ги открие раните фази на овој рак.

Фото: Фејсбук