Домашна штрудла со афион, по рецептот на нашите баби: Десерт кој не излегува од мода
Направете ја по стариот рецепт на бабите. Ќе ја обожавате!
Омилениот десерт на многумина, оној кој потсетува на детството е штрудлата со афион, која е многу вкусна и хранлива, а нејзината подготовка е далеку од комплицирана.
Состојки за тесто:
250 милилитри млеко;
1 лажичка шеќер;
25 грама квасец;
100 грама масло;
2 жолчи;
3 лажици шеќер;
550 грама брашно.
Состојки за фил:
300 грама мелен афион „Кибела“;
200 грама шеќер;
1 ванилин шеќер;
200 милилитри топло млеко.
Исто така е потребно:
1 жолчка;
1 лажица млеко;
шеќер во прав.
Подготовка:
Соединете ги мелениот афион, шеќерот и ванилиниот шеќер. Прелијте ги со топло млеко и убаво измешајте. Оставете го филот да се олади, додека го приготвувате тестото.
Во млако млеко ставете го квасецот, една лажичка шеќер и брашно. Почекајте 10 минути за да нарасне квасецот.
Во сад ставете го маслото, жолчките и трите лажици шеќер. Изматете со миксер, а потоа истурете го млекото со квасецот и брашното и замесете го тестото. Почекајте 30 минути за да нарасне тестото.
Тестото поделете го на два дена. Секој дел одделно истегнете го на хартија за печење. Во двата дела поделете го филот и замотајте. Префрлете го тестото со филмот во тепсија обложена со хартија за печење.
Измешајте ги жолчките и млекото и премачкајте ја штрудлата, а потоа веднаш ставете ја да се пече во загреана рерна на 180 степени и печете 35 - 40 минути.
Оставете ја штрудлата да се олади, исечете ја и посипете ја со шеќер во прав.
* Во овој рецепт, главна состојка е афионот, затоа кога ќе пазарувате побарајте го оној на „Кибела“ и бидете сигурни, кога се во прашање вкусот и квалитетот.
