Џенифер Анистон секој ден го започнува кафето со необичен додаток: Експертите откриваат дали е тоа здраво
Џенифер Анистон ги започнува трендовите и со најмал коментар за нејзината фитнес рутина и исхрана.
Познатата актерка си игра со кучиња на отворено, оди во теретана, ужива со пријателите, а денот го започнува со шолја топло кафе помешано со колаген во прав.
Додатоците на колаген станаа хит во последниве години поради нивниот наводен потенцијал да го вратат младешкиот изглед и да ги зајакнат коските, ноктите и косата. Колагенот сам по себе е моќен протеин кој се наоѓа во коските, ткивото и 'рскавицата, а порталот Eating Well одлучи да истражи дали неговите додатоци се здрави и дали може да се мешаат со кафе.
Некои научни истражувања се занимаваа со испитување на колаген во прав
Нутриционистите го земаат како замена за протеинот од сурутка, но не сите се подеднакво здрави. За најмногу здравствени придобивки треба да ги барате оние кои велат дека содржат колаген пептиди или хидролизиран колаген, пишува споменатиот портал.
Џенифер сака додаток на колаген кој содржи и витамин Ц и хијалуронска киселина. Сепак, таквите додатоци може да бидат прилично скапи и не се нужно покорисни од конзумирање на храна која содржи колаген како супа од коски или храна богата со витамин Ц, како што се агруми, бобинки и брокула.
„Дефинитивно не ви треба скап додаток на колаген за да имате силни коски и здрава кожа, коса и нокти“, вели диететичарот Викторија Сивер, но најефективниот начин е да се фокусирате на конзумирање на повеќе намирници кои помагаат во здравото производство на колаген во вашето тело, особено храна богата со амино киселини пролин и глицин и витамин Ц. Како месото, рибата, млечните производи, јаткастите плодови, гравот, јајцата, никулците од пченица и овошјето, особено агрумите“, препорача таа.
Дали смее да се додаде колаген во прав во кафето?
Во написот на д-р Брук Расел се вели дека колагенот нема да издржи температури повисоки од телото, а посакуваните здравствени придобивки ќе бидат намалени или целосно ќе изостанат, што никој не ги посакува. Затоа, колаген во прав, доколку веќе одлучите да го консумирате, подобро би било да го додадете во утринското смути или да го промешате во чаша вода.
