Доктор за соништа го открива значењето на 5 сонови кои луѓето најчесто ги сонуваат: Еден сон е награда и сигнал дека сте на вистинскиот пат
Клинички е докажано дека луѓето секоја вечер сонуваат меѓу три и девет соништа, иако повеќето од нив воопшто не се сеќаваат. Човек троши третина од својот живот спиејќи и сонувајќи, а за да ви бидат појасни некои соништа, декодирав пет соништа кои луѓето најчесто ги паметат, вели Кели Саливан Волден, експерт за анализа на соништата и автор на неколку бестселери за соништата и нивното толкување, за „Бизнис инсајдер“.
Но, прво, еве неколку работи што треба да ги знаете за соништата. Соништата зборуваат во слики, метафори и игра со зборови. Никој освен тебе не може точно да ти каже што значи твојот сон. Но, како некој кој интензивно се занимава со соништа, можам да ви дадам неколку идеи кои се надевам дека ќе ви помогнат да разберете некои од соништата.
Ова може да бидат значењата на некои од соништата што луѓето најчесто ги паметат.
1. Сонуваш дека некој те брка = мислиш дека си „недостоен“
Дали во последно време избегнувате непријатни чувства или потиснувате аспекти од себе кои ги сметате за „лоши“? Изненадувачката порака на овој сон е дека не постои аспект од вашата личност што не е вреден; секој дел е од витално значење за да станете моќно суштество и исполнето човечко суштество. Можеби тој „скршен“ дел од личноста е само дел од вас кој бил исплашен и ранет.
2. Сонувате дека паѓате = страв од неуспех
Соништата за паѓање укажуваат на чувство на губење контрола, несигурност, преоптоварување или недостаток на самодоверба. Можеби се осудувате себеси затоа што не сте успеале да реализирате нешто што сте наумиле или поради страв дека сте „летале“ премногу високо и не сте ги ставиле двете стапала цврсто на земја. Или можеби сте во циклус на промени, па се е во вашата глава.
3. Сонувате заби на кој било начин = верувај во тоа што го кажуваш и се бори се за тоа
Ако сонувате дека ви се паѓаат забите или дека се расипани, тоа често се однесува на проблеми во комуникацијата или чувство на немоќ затоа што може да имате проблеми со преживувањето, односно со нешто клучно како што е доволна сума пари за „преживеаните“. Сонот може да се однесува и на ситуација во која сте се воздржале и сте требало да „ги покажете забите“. Сфатете го овој сон како порака за „исчистување“ на комуникациите што ве наполниле со негативност или да се чувате од муабети и случајно откривање на важни информации.
4. Сонувате дека сте се вратиле на училиште = притисок за успех и тест за животна храброст
Соништата за враќање на училиште или факултет или за правење важен тест може да укажуваат на тоа дека сте во процес на учење животна лекција што ја „тестира“ вашата храброст. Овие соништа може да ве потсетат на првиот пат кога сте биле под притисок да успеете. Пораката на овој сон е да го отстраните товарот на несигурноста и да се подготвите за да можете да постигнете успешна иднина.
5. Сонувате дека летате = издигнување над пречките
Во сонот за летање, доживувате какво е чувството да се ослободите од физичките ограничувања и стеги. Овие соништа ви помагаат да почувствувате колку далеку можете да ги раширите вашите „крилја“, за да можете подобро да го искористите вашиот креативен и духовен потенцијал во реалноста. Сметајте го овој сон за награда - ви дава до знаење дека сте на вистинскиот пат; тој е охрабрување да продолжите да го правите тоа што го правите.
