ИНФЕКТОЛОГОТ АНДРЕЈ ТРАМПУЖ: Луѓето си играат, сè уште не веруваат во вакцинацијата, а јас и моите колеги лекари и научници се чувствуваме како папагали
-Сè уште немаме податоци дека омикрон, јужноафриканскиот вид на коронавирус, е посмртоносен од видот делта. Сепак, верувам дека појавата на омикрон е чекор наназад, што можеше да се избегне доколку луѓето беа доволно вакцинирани и доколку политичарите, кога требаше да ги слушаат лекарите и научниците, носеа валидни и навремени одлуки. Омикрон се појави бидејќи нема доволно вакцинација на населението во Јужна Африка. Ние лекарите и научниците очекувавме појава на нов сој, прашање беше само кога и каде ќе се појави. Исто така, очекувавме нова варијанта со повеќе мутации, а омикрон има дури 32 мутации. Природата уште еднаш покажа дека е попаметна од нас луѓето, бидејќи овој сој не можеше да се направи лабораториски, како што сега ќе кажат многу антиваксери, посочува проф. д-р. Андреј Трампуж, специјалист по инфектологија и интерна медицина од болницата Шарите во Берлин, пренесува Слободна Далмација.
Појавата на омикрони ќе влијае и на процентот на оние кои треба да се вакцинираат за да се победи пандемијата.
- Со појавата на видот Вухан, мислевме дека 70-75 проценти од вакцинираните ќе бидат доволни за победа над КОВИД. Меѓутоа, како што почнаа да се појавуваат други соеви и „мутанти“, така се зголеми и процентот на оние кои требаше да се вакцинираат за да се постигне колективниот имунитет. Така, со појавата на делта сојот, мислевме дека ќе треба да вакцинираме најмалку 80 проценти од луѓето, а сега со појавата на омикрон, вакцинацијата можеби ќе треба да биде 90 проценти - вели др. Трампуж.
Во овој момент, оние кои биле вакцинирани со две дози треба да добијат „бустер“ по шест месеци, но тоа може да се промени наскоро. Повеќе за оваа тема прочитајте на фактор.мк
