Монструм злоставувал и мачел брачен пар: Марија беше затворена и силувана, по 30 години Бенковиќ добија правда

Брачната двојка Марија Тунде Бенковиќ и Марко Бенковиќ чекаа предолго, скоро 30 години, човекот што го обвинија за воени злосторства и кој им го уништи животот, да заврши во истражен затвор. Деновиве, конечно се случи - Државното обвинителство на округот во Осиек го уапси, а во петокот започна истрага против Марко Видовиќ, алијас Перо Винчетиќ, ака „Перо Коњ“. Тоа е истата личност што користи со две имиња.

Обвинителството го товари Видовиќ за воени злосторства против брачната двојка Бенковиќ, како и околу осумдесет други српски воени затвореници и цивили, подредени членови на ХВО, нелегално затворени, физички и психички измачувани, а 23 уапсени беа убиени

Воено минато

Тој е обвинет дека држел луѓе, ги измачувал и убивал некои од нив во импровизирани затвори. Тој организирал затвори во училиштата, во атомското засолниште и на други места, а едно од местата каде што, како што се сомнева, ги мачел затворениците е неговата гаража покрај неговата семејна куќа во селото Доња Махала во близина на Оражје. Марко Видовиќ, како што во моментот го нарекуваат, има двојно државјанство на БиХ и Хрватска и тој побегна од Оражје во Хрватска во 90-тите години на минатиот век кога Обвинителството на БиХ се заинтересира за неговото воено минато. Во последниве години тој живееше во источна Хрватска, во Товарник, каде полицијата го уапси.

Летото 2017 година, Марија Тунде Бековиќ, која има унгарско потекло, во деталното признание за „Јутарњи лист“ раскажа како се преселила во Оражје во 1987 година откако се омажила за Босанскиот Хрват Марко Бенковиќ. Парот до војната имал ресторан „Чарли“ во Оражје, кој продолжил да го води и за време на војната. Нејзиниот сопруг Марко рече дека тој самиот се приклучил на ХВО, но ниту тоа не му помогнало да избегне лоша судбина.

Марко Видовиќ, тогаш викан Перо Винчетиќ, и еден од неговите полицајци прво го одвел Марко, а потоа истиот ден се вратил за Марија, и ги врзал очите и ја однел во непознат стан во Оражје, ја силувал и ја присилил со оружједа ги предаде сите пари и скапоцености што ги имаа нејзиниот сопруг и таа. После тоа, Видовиќ ја одвел до унгарската граница преку Хрватска, ја исфрлил од автомобилот и и се заканил дека никогаш повеќе нема да се врати, да си најде нов сопруг затоа што нејзиниот поранешен „пливал“ на Сава. Набргу потоа, дознала дека забременила за време на силувањето, а по прекинувањето на несаканата бременост веќе не може да има деца.

Психолошки последици

Нејзиниот сопруг Марко Бенковиќ за „Јутарњи лист“ раскажал како Видовиќ го држел затворен во својот „затвор“, го малтретирал, го повредил и го присилил да му служи, а кога благодарение на интервенцијата на командантот на ХВО успеал да избега, морал во Загреб на итна операција поради внатрешни повреди што му ги нанел Видовиќ. Потоа се придружил на жена му во место на југот на Унгарија каде и денес живее. Двајцата страдаат од тешки физички и психолошки последици од злоупотребата на Видовиќ, а во 2007 година, како што тврдат, го пријавиле во Државното правобранителство за воени злосторства. Нивниот извештај беше преземен од Државното правобранителство во Осиек во 2012 година, кога тамошниот обвинител ги зеде нивните детални изјави.

Судбината на двојката Тунде-Бенковиќ, сепак, е само една од низата воени злосторства за кои Окружниот суд во Осиек го обвини Видовиќ. Тој е осомничен за затворање, тортура и ликвидација на не само српски воени заробеници, туку и српски, бошњачки и хрватски цивили за кои се сомневал дека соработувале со армијата на Република Српска. Тој е осомничен за директна и командна одговорност затоа што, како што тврди окружниот суд во Осиек, тој самиот ги извршил и ги поттикнал своите подредени да извршат злосторства, тој не ги спречувал и не ги казнувал за сработеното.

Фото: Profimedia