Не е успешна жената која ќе се омажи - Туку таа која може сѐ и без маж
Приказната за Елена носи длабока порака за бракот, среќата и исполнетоста во животот. Елена, 34-годишна жена со мала ќерка, храбро се разведе, донесувајќи одлука која можеби изненади многумина.
Нејзиниот сопруг не ја остави, но таа донесе одлука да се разведе. Нејзината приказна всушност ја одразува внатрешната борба со традиционалните сфаќања за бракот и женските улоги. Во текот на нејзиниот живот, очекувањата беа поставени врз основа на старите норми. Мајчината изрека „Секоја девојка треба да се мажи“ остави длабока трага. Во општеството во кое живеела, бракот често се сметал за мерило за успех на жената, а оние кои не биле во брак биле гледани со некаков облик на презир.
Дури и жените кои биле во брак и разведени биле повеќе сожалувани отколку поддржани. Уште како тинејџерка, Елена чувствувала дека нешто не е во ред. Во бракот на нејзините родители не гледала вистинска љубов или среќа, тие изгледале како партнери од навика. Нивната блискост била повеќе роднинска отколку партнерска. И покрај се, Елена се омажила во доцните дваесетти. Нејзиниот сопруг бил добар човек, но нивниот брак не бил исполнет со среќа. Кај неа пораснало чувството на вина и несигурност.
По венчавката, таа се чувствувала заробена во куќата со детето додека нејзиниот сопруг поминувал време надвор од домот, не грижејќи се за нејзината потреба за одмор или време за себе. По четири години брак, Елена донела храбра одлука да се разведе. Таа сфатила дека не ѝ треба партнер кој не презема одговорност и не покажува интерес за нејзините чувства на несреќа. Таа одлучила дека повеќе нема да живее во токсична средина која не придонесува за нејзината емоционална и психолошка благосостојба.
По разводот луѓето ја сожалуваат, но Елена се чувствува посреќна. Нејзиниот развод не е пораз, туку ослободување. Таа сега живее во согласност со нејзините вредности и потреби. За неа успехот не се дефинира со брак, туку со живот во кој се чувствува исполнето и среќно, без разлика на нејзиниот брачен статус. Елена е доказ дека жената може да биде успешна без маж, дека нејзината среќа е најважна и дека е способна за се што ќе посака.