Не сум спремна на ова: Ќерката на Лане Гутовиќ со потресни зборови се збогува од татко ѝ кој зад себе остави три деца

Легендарниот српски актер Милан Лане Гутовиќ нè напушти на 75 -годишна возраст по кратко боледување. Почина на Военомедицинската академија, на Одделот за интензивна нега, а веста за неговата смрт ја објави неговиот син.

Потоа се огласи и ќерката на актерот, Милица Гутовиќ, која се прости од својот татко на Фејсбук.

„Татко ми, Милан Гутовиќ, почина денес. Не сум спремна за ова! Немам зборови соодветни за овој момент. Никогаш не можеме да бидеме подготвени за некои загуби. Почивај во мир", напиша ќерката на славниот актер Лане со неговата прва сопруга, за која никогаш не зборуваше јавно. Со неа тој ја доби ќерката Милица која тргна по неговите стапки.

Таа глумеше во „Мешан брак“, серијата „Хотел со 7 sвезди“, во филмот „Ивкова слава“, а потоа се посвети на класичниот балет, кој го предава на деца од предучилишна и училишна возраст.

Легендата Лане Гутовиќ, кој остана запаметен најмногу по улогата Среќко Шојиќ, каде неговата моќ на трансформација беше извонредна, зад себе остави три деца.

Милан е роден на 11 август 1946 година во Умца, предградие на Белград, и уште од рана возраст покажува извонреден дар за уметност и актерство, а по завршувањето на средното училиште се запишува на престижната „Академија за филм, театар, радио и телевизија".

Тој е повеќекратен добитник на уметнички одликувања и стана шампион во драма на Народниот театар во Белград во 2006 година.

Тој помина децении на даските што значат живот. Зад себе има два брака, како и три деца, ќерката Милица и наследниците Јаков и Спасоје.

извор: GLOSSY / kurir.rs