Тримесечното бебе ѝ умрело од бакнеж: На познатата авторка животот ѝ се сменил од корен за една година
Држењето на Николас во рацете беше пресвртница во тагата на оваа мајка. Година и три дена откако и почина тримесечното бебе, нејзиниот син ја повратил волјата за живот...
Една вечер, Анабел Кармел, авторка на книга за исхрана на децата, отишла во соба да ја ѕирне својата тримесечна ќерка и го затекнала бебето Наташа како превртува со очи и како нејзината рака неконтролирано се грчи. Веднаш ја однела на лекар надвор од работното време, но и двете многу брзо се вратиле дома, бидејќи докторот рекол дека нема простор за грижа и ја уверил младата мајка дека всушност се е во ред.
Следниот ден отишле кај општ лекар на Анабела, а по прегледот на бебето тој заминал и рекол дека оди кај друг пациент. Се испостави дека тој всушност се обидува веднаш да обезбеди кревет за малата Наташа бидејќи знаел дека нешто страшно не е во ред со бебето. Таа починала пет дена подоцна од енцефалитис, најверојатно предизвикан од бакнежот на некој кој имал херпес. Родителите требала да донесат одлука дали да ја извадат од респираторот.
- Мислиш дека никогаш повеќе нема да бидеш нормален. Чувствував дека мојот живот е завршен и, иако никогаш порано не бев депресивна, паднав во црна дупка. Знаев дека ниту еден совет нема да ми помогне. Имаше моменти кога мислев дека не можам да одам понатаму. Постојано чувствував како нешто да ме притиска и гуши. „Секое утро доживував траума кога ќе се разбудев и ќе сфатев дека тоа не е само страшен кошмар“, изјавила Анабел за Телеграф.
Анабел била неутешна. Знаела само едно - дека сака да биде мајка.
Знаела дека сака повторно да забремени. Мислела дека уште едно дете кое расте во неа ќе и помогне да се помири со она што се случило. Набргу се испостави дека таа забременила прилично брзо и дека, штом дознала, се чувствувала неверојатно смирена, имала чувство дека се ќе биде во ред. Породувањето беше многу ненадејно и трауматично.
Била загрижена дека ќе изгуби уште едно дете, но олеснување дошло кога го слушнала плачот на бебето Николас, само една година и три дена по смртта на Наташа.
Николас бил здраво бебе, но одбивал да јаде. Вознемирената мајка на секој начин се борела да го натера барем да касне нешто. Оттаму се родила идејата своите рецепти да ги сподели со другите мајки од околината, а потоа тоа станало вистински бизнис.
Биле потребни две и пол години за да се објави комплетен планер за оброци за бебиња и мали деца, што се случи пред нешто повеќе од 30 години. Таа забележува дека тоа не го направила за да заработи пари или за кариера, туку тоа бил катарзичен начин да си помогне и да се помири со смртта на нејзината ќерка, а сепак да направи нешто за Николас и сите други бебиња и мајки.
Покрај Николас, Анабел ги има и ќерката Лара и Скарлет.
Можеби ќе ве интересира
