Од хоби заработила преку милијарда долари: Почнала со лажни трепки и создала козметичка империја
Худа Катан е жена која од своето хоби заработила над половина милијарда долари.
Худа Катан ја напуштила својата примарна професија пред десет години и почнала да се занимава со своето хоби, а сега е сопственичка на козметичката империја „Худа убавица“, чија вредност Форбс ја процени на повеќе од една милијарда долари.
Оваа Американка го напушти Дубаи, каде што живееше две години, и работата во финансии. Во Лос Анџелес, таа изгради кариера во шминка и започна свој блог за убавина. Кога забележала дека на пазарот недостигаат вештачки трепки кои би им одговарале на нејзините клиенти, решила сама да ги креира. Нејзиниот бренд е присутен во 45 земји и во повеќе од 3.000 продавници. Многумина тврдат дека Худа е многу опуштена и скромна, а парите не ја промениле.
„Отсекогаш сум била дива, многу тешка и многу посебна. Понекогаш не знам како моето семејство може да ме истрпи“, низ смеа вели таа. Родена е во Америка, а нејзините родители се од Ирак. Патот на Худа до империја на убавина не бил секогаш лесен, бидејќи таа пораснала во град кој претежно го сочинувале белци.
„Да пораснам како мало темно девојче на југот беше предизвик бидејќи бев многу збунета и не можев да се вклопам. Се чувствував како да не сум убава и морам да се усогласам со стандардот за убавина“, рече таа.
Бидејќи нејзините родители и таа биле единствените Арапи во градот, младата Худа морала да бара свои модели, станувајќи опседната со Тајра Бенкс, а подоцна и со Пријанка Чопра.
Ако она што не ве убива ве прави посилен, овие првични несигурности сега се далеку зад себе. Сепак, со оглед на тоа дека има ирачко потекло, таа и понатаму се чувствува дискриминирана и покрај заработените 560 милиони долари. Таа одговара на описот на бестрашно претприемништво, бидејќи покрај брендот за шминка „Huda Beauty“, заедно со нејзината сестра Мона, во ноември 2018 година го креираа и парфемот „Kaiali“ и го основаа „Wishful Skincare 2020“. „Huda Beauty“ е прогласен за најбараниот бренд за шминка во светот во 2020 и 2021 година и за најпопуларен бренд за славни личности во 2022 година.
Катан одела на психолог една година и работела на себе.
„Да бидам целосно искрена, кога почнав да работам во убавина, тоа беше само хоби. Тоа не требаше да биде работа или нешто од кое ќе заработувам пари. Кога ќе станеш популарен, луѓето почнуваат да те критикуваат, а тогаш навистина навлегуваш длабоко во себе, почнуваш да се преиспитуваш, поминуваш низ подеми и падови и екстремна нервоза. Денес не се срамам што немам се. Скоро секој ден сум во голем хаос и не можам да разберам се. Но, јас сум навистина добра во шминкањето, така што никогаш не се знае“, рече таа.
Во огромниот бизнис зад кој стои, ѝ помага семејството, но како што открива, таа се обидува да изгради ѕид околу својата единаесетгодишна ќерка. На нешто помалку од десет години, најмладиот член на семејството има 135.000 следбеници на Инстаграм, што е строго контролирано од мама.
„Во последно време, многу познати личности ги ставаат своите деца на одредени платформи. Како родител, немате вистински одговор на тоа. Во нашиот дом, ќерка ми отсекогаш сакаше да биде Јутјубер, и иако создава содржини понекогаш, ги ограничувам нејзините платформи затоа што не сакам да се занимавам со критики“.
Таа го изгради истиот ѕид околу нејзиниот брак. Својот сопруг го запознала во средно училиште во САД, а заедно отишле на матура.
„Дали некогаш сме разговарале за развод? Се разбира. Дали им се доверувам на моите следбеници? Не. Јас сум многу постара од повеќето инфлуенсери и сè уште сум многу возбудена за мојата врска, но не сакам да го споделам тоа со никој. Кога станува збор за семејството, има одредени работи што сакам да ги заштитам“, објасни таа.
Козметиката Huda Beauty годишно ѝ носи околу 200 милиони долари од продажба. Нејзината компанија тогаш беше проценета на 1,2 милијарди долари.ФОТО: Инстаграм