Одложен концертот на Пеџа Јовановиќ во Скопје: Еве го новиот датум
Менаџментот на Пеџа Јовановиќ и EVENT GROUP Team го одложија концертот на пејачот кој на 5 април треба да одржи настап пред скопската публика во СЦ Јане Сандански.
Причината за оместувањето на датумот е трагедијата во Кочани.
Како што соопштија организаторите, концертот се поместува за 15 мај, четврток.
„Драги пријатели,
Сите ние живееме во период и ситуација која не можеме лесно да ја надминеме. Трагедијата и болката се огромни и на сите ни треба повеќе време за да можеме да се навикнеме и да продолжиме понатаму...
Заедно со Пеџа Јовановиќ и неговиот менаџмент одлучивме дека треба да го поместиме одржувањето на концертот за четврток 15 мај.
Се друго останува исто како првично предвиденото и планираното. Купените влезници важат за новиот датум.
Се надеваме на разбирање и однапред Ви благодариме на истото“, соопштија од EVENT GROUP Team“ .