Отец Предраг одржа лекција за љубов: „Жената треба да му премолчи на мажот, а и тој на неа, рецептот за добар брак е еден јорган и ова“
Отец Предраг Поповиќ, свештеник на Српската православна црква, е познат на Интернет. На своите социјални мрежи тој редовно зборува за различни аспекти од животот, особено за семејството и бракот.
Во гостувањето на РТС тој истакна дека љубовта е најважна во секој сегмент од нашиот живот, како и дека денес живееме во општество кое го промовира нашето его и што само не прави мрзеливи.
- Мажот треба да ` премолчи на жената! И маж со жена и жена со маж! Важна е само љубовта. Рецепт за љубов е еден јорган и ладна соба. Да почувствувате блискост. Кога собата е постудена, се карате со сопругата, но кога е ладно, повторно се зближувате. Што би рекол нашиот народ – јорганот ги смирува сите - вели отец Предраг Поповиќ.
Тој истакнува дека љубовта е најважна и дека отуѓувањето веќе не е процес, туку финална работа.
- На нашето его му одговара, се‘ ни е достапно! Се отуѓуваме, телефоните не‘ изобличија. Ѝ забранив на мајка ми да го користи телефонот во куќата. Го земам телефонот од неа за да седне со нас. Не можете да го користите телефонот во кујната на масата, не можете да го внесете во бањата! Најважно е да се ограничиме себеси, а потоа и децата! Мора да им дадеме алтернативи, рекреација... Во недела одиме на литургија, шетаме, разговараме, се зацврстуваме и тоа семејство ќе влезе во уште една недела на борба - вели отец Предраг Поповиќ.
Ги закопуваме нашите деца подлабоко сакајќи да заработиме пари за децата на нашите деца.
- Секогаш имаме борба за некаква моќ и пари. Но, оние деца кои доаѓаат растат во наша сенка. Апсолутно е невозможно да се мотивираат децата денес. Ние им правиме лоша услуга, бидејќи се занимаваме со форма, а не со суштина. На децата им подаривме фрик програма - Јутјубери и реални шоуа, им дадовме мрзеливост! Не користевме ништо од она што нè научија нашите баби и дедовци - вели отец Предраг Поповиќ.
Како што истакнува, сведок е на воскреснувањето на многу животи, и дека има многу кои лекот за своите проблеми го нашле во верата и литургијата, пишува жена.блиц.
- Многу е тешко човек да се ослободи од некоја навика, а само замислете коцкање, дрога и жени. Но преку литургијата човекот ќе добие смисла - вели отец Предраг Поповиќ.
Фото: Youtube - screenshoot
