Ова е учителката херој која беше убиена додека се обидуваше да ги заштити децата: Страшни детали за масакрот во Тексас

Ева предаваше 17 години, а беше во своите 40-ти години, пренесува „Њујорк Тајмс“

Страшна трагедија ја погоди Америка, кога Салвадор Рамос (18) вчера упадна во основно училиште во малиот град Увалде во Тексас и уби 19 деца на возраст од 7 до 10 години и нивните две учителки.

Наставничката која предаваше во 4-то одделение, Ева Мирелес, е првата жртва на масакрот која е идентификувана.

Според „Њујорк тајмс“ и „Хафингтон пост“, Ева била убиена додека се обидувала да ги заштити децата од убиецот, кој влегол во училиштето и отворил оган. Новинарите разговараа со нејзината тетка Лидија Делгадо.

Нејзината тетка рече дека Ева била омилена во заедницата и дека била горда што предава во училиште каде што учениците се претежно Латиноамериканци.

- Сестра ми загина во оваа трагедија, до кога ќе продолжи ова? Не мислев дека ова може да се случи овде, сега можеме само да се молиме за сите нас, за нашите деца, семејства и Америка – изјави Лидија.

Извор: www.telegraf.rs