Пред огледало со беровчанката Катерина Пипонска, стујардеса во Саудиска Арабија: Црвен кармин комбинирам со понежна шминка
Катерина Пипонска е стујардеса од Берово во Саудиска Арабија. Таа за Женски магазин, открива кои се нејзините ритуали за убавина, но и како ја одржува линијата.
Дневниот козметички ритуал ми почнува и завршува исто, го чистам лицето со мицеларна вода, серум за лице неколку капки, на база на витамин Ц.
* Каков е Вашиот дневен козметички ритуал?
* Со какви препарати го негувате лицето?
Со текот на годините користев различни производи и забележав дека на мојата кожа и е потребна повеќе нега затоа што е доста осетлива и најдов совршено решение а тоа е ПРП третманот. Исто така една од моите омилени брендови е лореал од кои ги користам нивните маски, пилинзи и серуми.
-Козметички салони посетувам, но не често.
* Кои производи ги употребувате за нега на коса?
-Аргановото масло е незаменливо за мене и мојата нега на коса, со редовната употреба косата ја чувствувам свежа, сјајна и полна живот.
* Што сакате да прикриете, а што да истакнете со шминка?
-Јас сум личност која обожава да се шминка и за себе можам да кажам дека сум доста професионална. Уживам со играње на бои кога доаѓа до истакнување на очите .
Доколу имам јака шминка на себе идам со некој понежен кармин, а додека имам понежна шминка преферирам црвен кармин.
-За чистење на лице користам мицеларна вода ( Гарниер) и гелот од La roche.
Лореал ми се едни од омилените козметички производи и исто така користам aloe vera затоа што имам сува кожа а овие производи ми де топ за хидратација на мојата кожа.
* Што носите секогаш во Вашиот несесер?
-Кармин, лабело, без огледалце и четка за коса не идам нигде, сјај за усни ,камена пудра.
* Омилен парфем?
-Бидејќи живеам во Саудиска Арабија открив многу убави пармефи кои се доста постојани спрема оние што ги имам користено до сега. Еден од нив е Bella и мојот омилен Al Majed VIP
Исто така ги преферирам парфемите на Chanel и Dior.
* Како ја одржувате линијата?
-Животниот ритам на една стујардеса е таков што за жал не можам да кажам дека ги имам сите оброци во текот денот, но се трудам да имам квалитетни оброци.
Секако во слободно време одам во теретана и преферирам пешачење.
*Ирена Ставрова