Прељубата му ја наплати „дебело“ и од разводот направи успешен бизнис: Која е всушност Мекензи Скот, најмоќната жена на светот!
Тоа што ја изневерил е неговата најголема грешка.
Жестоко му наплати, па сега му ги дели парите со тупаница и капа
Американскиот магазин „Форбс“ објави листа на 100 најмоќни жени во светот, а на првата позиција се најде Мекензи Скот, поранешната сопруга на Џеф Безос.
Во написот за најмоќната жена на светот, новинарката на Форбс Меди Мекграт пишува дека Скот по разводот со Безос добила огромни финансиски средства кои брзо почнала да ги распределува во хуманитарни цели.
„Пред три години, Мекензи Скот беше авторка, сопруга и мајка на четири деца, која основаше група против злоупотреба и му помогна на својот сопруг да го води Амазон во 1990-тите. Таа тогаш остана во неговата сенка - но потоа се разведе од Безос“, пишува во текстот.
Се наведува дека колапсот на бракот следел по прељубата на Џеф. Мекензи решила да стави точка на бракот, но сето тоа скапо го наплатила. Таа од овој брак излезе со значителна сума на пари на сметката. По разводот, таа доби четвртина од уделот во Амазон и речиси веднаш почна да планира како да го подели сето тоа.
„Имам несразмерна сума пари за споделување со другите“, рече таа во мај 2019 година, кога потпиша ветување дека ќе донира и вети дека ќе даде барем половина од своето богатство во добротворни цели, пишува Мекграт.
Според новинарот на Форбс, Скот, не само што го ставила зборот на дело, туку и го направила тоа, туку и понатаму работи со рекордна брзина и се уште дава пари во хуманитарни цели. „За повеќе од две години, од своето богатство кое се проценува на 57 милијарди долари, таа даде 8,6 милијарди долари на 780 организации кои се борат за родова еднаквост, како и за искоренување на расната дискриминација“, пишува новинарот.
По разводот со Безос, среќата и се насмевнала и во љубовта
Две години откако Џеф Безос ја остави за љубовница, Мекензи Скот ја најде својата среќа.
Познатата хуманитарка се омажи во тајност за професорот од Сиетл, Ден Џевет, а веста за бракот беше потврдена минатиот викенд на веб-страницата на организацијата Giving Pledge, која ги охрабрува богаташите најголемиот дел од парите да ги дадат во добротворни цели.
Денес, најмоќната жена во светот работи со својот сопруг, како истражувачи и советници на непрофитната консултантска компанија „Бриџспан“. „Таа не одговара на никого, нема одбор на директори (за што знаеме)“, рече Мекграт.
Фото: Инстаграм
Фото насловна: Инстаграм/ news_worth/eldespertar.mx
Можеби ќе ве интересира
