Продолжуваме да споделуваме со вас предлог рецепти за посен ручек, имајќи предвид дека почнаа Велигденските пости, кои траат 48 дена.

Постот е идеално време да се заборават пекарите, супермаркетите, готовите и спакувани (прочитајте нездрави) производи и да се свртиме кон старите домашни рецепти. Токму затоа Женски магазин, ќе ви понуди посни рецепти, кои веруваме ќе ви помогнат во деновите кога едноставно немате идеа што да зготвите а да биде посно.

Денес предлагаме да направите ароматичен ѓувеч со зеленчук, кој се прави едноставно а е многу вкусен.

Не содржи ниту една намирница од животинско потекло па е многу популарен меѓу луѓето кои го применуваат постот на вода.

Што ви е потребно:

-500 гр ориз

-2 главици црвен кромид

-2 чешниња лук

-2 моркови

-200 грама смрзнат грашок

-200 грама карфиол

Пастеризирани домати

Ѓумбир во прав

Сол, и бибер

Подготовка:

Исечкајте го кромидот и издинстајте го на малку вода, додајте го оризот и две лажички пастеризирани домати, па налејте со вода да се готви.

Гответе десеттина минути, па додајте го останатиот зеленчук. Зачинете со сол, бибер и ѓумбир и гответе додека оризот не омекне. 

По желба јадењето може да го запечете и во рерна за да добие кора.

Пријатен ручек.

Фото: YOUTUBE/HOMECOOKINGSHOW

Може да ве интересира:

(РЕЦЕПТ) Највкусното посно гравче од манастирот Хиландар: Што да јадете за Велигденските пости