Што значи зборот АМИН кој го кажуваме на крајот од секоја молитва
Зборот Амин опстојува илјадници години. Неговиот изговор е прилагоден на различни јазици, но значењето останува исто...
Зборот Амин се користи во многу религии и култури, главно на крајот на молитвите. Неговата употреба е исклучително вообичаена, но честопати луѓето кои дури и го користат секој ден не се сигурни во неговото значење, пишува Ловесенса.
Зборот Амин доаѓа од хебрејскиот збор āmēn и опстојува илјадници години. Неговиот изговор е прилагоден на различни јазици, но значењето останува исто.
Ова е еден од првите пишани зборови во Хебрејските списи и се споменува неколку десетици пати во Библијата. Неговото основно значење е афирмација, или амин значи дека нешто што се случило, или нешто за што се зборува, или нешто што ќе се случи, всушност значи дека е „без сомнение, навистина, неспорно“.
Амин може да се преведе како „така е“ или „нека биде така“, и се користи како последен вид потврда за кажаното. Кога се користи во молитва, обично се кажува на крајот и потврдува за што сте се молеле и што сте кажале.
Овој збор симболично го претставува печатот на се' што е кажано во духовна смисла, и може да се преведе како „дополнително зајакнување на тие зборови“. Исто така, Арапите го користат зборот „амана“ што има исто значење како и амин, и според митологијата и легендите употребата на овој збор на древната египетска цивилизација е поврзана со египетскиот бог Амон, кој понекогаш се нарекува Амин.
извор:Loveensa.rs
