Иако доживеала големо разочарување од сопругот кој ја оставил во најтешкиот период, една Американка не негува огорченост кон поранешниот сопруг, напротив, тоа ја зајакнало.

Трејси Ферин имала само 18 години кога се соочила со голем страшен предизвик кој и го променил животот од дното нагоре. Како млада и возрасна трудница сакала да ја одржува формата играјќи одбојка. Но, ја игнорирала болката што ја чувствувала во ногата и испакнатината што и се појавила над коленото, мислејќи дека не е ништо опасно, додека лекар специјалист не ја советувал да оди во болница.

„Иако тогаш не кажа ништо, подоцна призна дека сфатил дека работата е сериозна“, изјавила Трејси Ферин за Mirror.

На Трејси, која денес има 39 години, набрзо и бил дијагностициран остеосарком, кој е вид на рак на коските. Таа сериозно го загрозила своето здравје бидејќи морала да избере, да абортира и да оди на хемотерапија или да го одложи лекувањето. Оваа храбра трудница одлучила да ја одложи хемотерапијата до шестиот месец од бременоста за да роди здраво бебе.

Нејзината тешка здравствена состојба значела дека немала друг избор освен да се бори. Таа вели дека разбира оти нејзиниот тогашен вереник се мачел и тешко ја доживеал целата ситуација, но тогаш нејзиното психичко здравје не било сфатено на вистински начин. Телото на Трејси се борело со контракции, кои биле присутни поради хемотерапијата што ја примала, па морала често да престојува во болница. Докторите решиле да ја породат 6 недели пред терминот. Иако биле разделени, нејзиниот вереник Ник бил на породувањето за да биде сигурен дека и Трејси и бебето ќе поминат добро.

Трејси вели дека нејзината мајка целосно се грижела за девојчињата Ели и Фејт по породувањето, бидејќи немала енергија. По една година ја оперирале и извадиле дел од туморот, а телото сè уште преживувало трансформации и напори.

Многу време поминувала сама, бидејќи морала да го избегнува социјалниот живот поради ослабен имунолошки систем. Меѓутоа, кога тргнала да се врати на стариот живот и целосно да закрепне, како и да се грижи за девојките, во црквата го запознала сегашниот партнер Рајан.

Девојчињата пораснале со нивниот татко, но поради околности тој си го одзел животот во 2016 година. Семејството тогаш минувало низ тешки времиња. Трејси вели дека мажите треба да бидат отворени и да зборуваат за своето ментално здравје и тврди дека не го обвинува нејзиниот тогашен сопруг за начинот на кој се однесувал со неа, бидејќи во спротивно не би продолжила понатаму.

Оваа мајка на четири возрасни деца во меѓувреме почнала да вежба и фитнес, многу брзо откако лекарите и кажале дека не се сигурни дека може да почне со тоа. Таа го докажала спротивното и вежбањето и ја вратило самодовербата. Набрзо сфатила дека сака да им помогне на другите да станат фит и почнала да работи како фитнес инструкторка.

Во 2020 година, оваа храбра жена ја објави својата книга, која инспирира многу жени и мажи да напредуваат од нивните падови во животот, сакајќи да ги поттикне да ја вратат својата самодоверба и повторно да уживаат во животот.