Среќко Шоиќ за Претседател на Србија: Лане Гутовиќ на турнеја низ Македонија

Откако билетите за првата претстава се распродадоа за неколку денови, познатиот срспки актер Милан Лане Гутовиќ вечерва повторно гостува во Скопје со хит-претставата „Украѓена личнос'“. 

Гутовиќ ќе ја игра претставата во Дом на АРМ во Скопје од 19 часот. Главниот лик кој го глуми Лане, е иснпириран од познатиот Среќко Шојиќ, ликот од „Тесна кожа“ и од „Бела лаѓа“, кој ја одбележа неговата кариера.

„Во претставата, се кандидирам за Претседател на Србија, но воопшто не се обидувам да ги убедам гласачите дека јас сум вистинскиот избор. Ѝ се обраќам директно на Европската Унија“, изјави Гутовиќ за претставата. 

Среќко Шоиќ, ќе се дружи и со својата публика во Битола на 20 февруари во НУ Центар за култура, како и во Струмица на 22 февруари во НУЦК Антон Панов. Сите претстави се од 19 часот, а билетите се во продажба онлајн преку сервисот mktickets.mk, Југотон ГТЦ, како и во продажните салони на Сара Фешн во Струмица и во Битола. 

Во претставата игра Милан Гутовиќ, а неговите текстови се напишани потпирајќи се на текстот на Миленко Вучетиќ (Бараба). Во претставата ќе го слушаме и валцерот на Штраус. Организатор е „Бекстејџ медија“.