Стил на денот: Зендаја оживеа 30 години стар фустан - и остави без коментар!
Модната икона Зендаја ја започна годината со нови стилски победи. Популарната актерка блесна во винтиџ фустан на Валентино, кој воодушевува со едноставниот крој и класичниот дизајн.
За промоцијата на втората сезона на серијата „Еуфорија“, Зендаја избра фустан стар 30 години, кој светот првпат го виде на ревијата на Валентино во 1992 година.
Фустанот е моден класик - тесен, без прерамки, со црно-бели хоризонтални риги.
Пред 30 години го носеше легендарната манекенка Линда Евангелиста.
Линда во тоа време имаше црвена коса, па Зендаја и оддаде почит со слична фризура.
Стилистот на Зендаја, Ло Роуч, уште еднаш направи извонредна работа, а суптилната шминка и нуд маникирот на актерката го придружуваа ефектниот фустан.
zendaya recreating linda evangelista's valentino look (1992) pic.twitter.com/7SXrdZnATV
— ˚ (@dollheavn) January 6, 2022
Втората сезона на „Еуфорија“ ќе има премиера на 9 јануари, две и пол години по емитувањето на првата сезона.
Пандемијата го прекина снимањето на серијата, која се занимава со злоупотреба на супстанции меѓу тинејџерите, родовиот идентитет и сексуалноста.
Фото: Инстаграм