Таа има 87, а тој 47 и штотуку прославија 17 години брак: „Љубовта е љубов!“
Сопружниците, кои имаат 40 години разлика, штотуку ја прославија 17-годишнината од бракот и велат дека „љубовта е љубов“ - без разлика на возраста, пишува Independent.
Една (87) и Сајмон Мартин (47) од Вестон-Супер-Маре, Сомерсет, Велика Британија, се запознале на концерт кога таа имала 68, а тој 28. Првата средба ја опишуваат како „љубов на прв поглед“.
Ја прославија годишнината од бракот со скромна вечера со риби и чипс. Зборувајќи за значајната разлика во годините меѓу нив, Сајмон рече дека верува дека „возраста е состојба на умот“ и дека луѓето се стари само ако „се чувствуваат стари“.
Иако на почетокот ги гледаа чудно, луѓето сега почнаа да ја прифаќаат нивната љубов. „Всушност ги инспириравме другите луѓе во односите со голема разлика во возраста да го направат следниот чекор и да се венчаат“, објасни Сајмон. „Нашите пријатели и познаници секогаш беа среќни за нас, а ние ги игнорираме сите чудни погледи и коментари. Љубовта е љубов и секој треба да го игнорира она што го велат другите“.
Една, инаку пензионирана инженерка и баба на четири деца, рече дека нејзиното семејство ја поддржувало нејзината врска од самиот почеток, но им било потребно време на родителите на Сајмон да се прилагодат.
„Ќерка ми ја направи нашата свадбена торта, а син ми ме водеше по патеката“, рече Една. „На свадбата рече: „Сакав да ја предадам мајка ми доживотно и ова е денот за тоа.“ Мојот син има 57 години. Моите внуци се приближно на иста возраст како Сајмон, но никој не обрнува внимание на тоа“.
Парот истакнува и дека не бегаат од јавно изразување на љубов и често знаат да се „бакнат малку во супермаркет“. „Навистина е прекрасно што можеме јавно да ја изразиме нашата љубов – не кон другите луѓе, туку кон самите нас“, изјави Сајмон.
Извор: Моје вријеме.хр
Фото: Јутуб