За стилот со Фросина Кулакова: Сакам да се дотерам и да изгледам дамски, но повеќе ми се допаѓа уличниот стил
Фросина Кулакова e студент по моден дизајн. Многу сака да креира, црта, слуша музика, да излегува и да се дружи.
Досега има креирано свои дизајни кои ги претставувала на разни модни настани.
Со Фросина зборуваме за стилот и облекувањето.
*Дефиниција за стил?
-Според мене стилот е начин на самопретставување.
*А, Вие стилски се дефинирате како...
-Променлива, но смела. Има моменти кога сакам да се дотерам и да изгледам дамски, но многу повеќе ми се допаѓа уличниот стил.
*Што е пресудно за добар стил?
-Смелост, креативност и самодоверба.
*Комбинирате елегантно со спортско или сте камелеон во облекувањето?
- Мешам различни стилови на облека и многу бои.
*Минимализам, хедонизам, авангарда?
- Хедонизам и авангарда
*Гламур или класика?
- Класика
*Омилени нешта од вашата облека?
-Шаренилата! Уникатните патики,широки миди фустани и фармерки.
*Дали практикувате брендирана облека или не ви е пресудна етикетата?
- Купувам сѐ што ми се допаѓа не ми е важна етикетата ако видам дека квалитетот е добар.
* Што сакате да постигнете со вашиот стил?
-Уникатност и препознатливост
* Дали ако сте автентична, тоа значи и осудување од нашава средина?
-Па не, не сум била осудувана.
- На кој дизајнер би му дозволила да ти го преуреди гардероберот?
- Jeremy Scott
* Што облекувате денски, а што навечер?
-Денски сум најчесто во широки фармерки или сукњи, сега на пролет најчесто со широки блузи на кратки. Удобноста преку ден ми е важна. Навечер многу повеќе експериментирам. Чевлите и накитот се секогаш многу важен детаљ.
* Дали експериметирате со косата и шминката?
-Да многу, омилена фризура ми се плетенките (box braids). За жал не можам да ги носам постојано. А кога станува збор за шминката, кога имам време се шминкам многу. Најубаво се чуствувам со шарени тушеви за очи и многу руж.
* Ваши трикови за брз, но ефектен изглед ?
-Во последно време не ми треба многу време да се средам. Најчесто се вадам на добрите комбинации облека за кои ми треба помалку од 5-10 минути.
*И. Ставрова
